Metmaacher Klaaf:Jan Wellem~kshwiki

Seiteninhalte werden in anderen Sprachen nicht unterstützt.
Uß de Wikipedia

Leev Jan, em Oujußß hämmer feeßßjestellt dat mer all de Schrievwies vunn däm aale Wrede brouche wolle für de Navijazion. Sigg dämm hämmer nimieh vill jemaat. Wolle mer dat nid enz nöjj aanfaßße? Luurenz doch heä: Wikipedia:Schrievwies vunn dä Navvijazion unn dän Lemmas. Merci föör ding Hülp! Düüvelskääl 20:05, 4. Nov. 2006 (UTC)

Houpsick un Lemma-Üvverschrifte[der Quälltäx ändere]

Dä Klaaf jeht wigger. Jetz dun mer beklaafe ov de Houpsick un de Lemma-Üvverschrifte noh dem Wrede jeschrieve wääde solle. Isch fänd et jot wann so vill Lück wie möschlisch medmache domet mer endlijj zo enem Entschluss komme. Luur he: [1]

Düüvelskääl 19:54, 9. Nov. 2006 (UTC)

Do häs op dä Sigg Wikipedia Klaaf:Schrievwies vunn dä Navvijazion unn dän Lemmas jeje de Vürschläch jestemp, die mer do hatte. Jetz han isch noch ens en paar Beispill opjeschrevve op Wikipedia Klaaf:Schrievwies von de Lemmas, un mich däät schwer interesseere, wat do doför denks. Düüvelskääl 22:28, 29. Nov. 2006 (UTC)

Shprooche-Zëddel för_et Düsseldorwer Platt[der Quälltäx ändere]

Esch hann aan dä Atikkel övver dä Schneider Wibbel enne Zëddel vom {{Atikkel_op|Düsseldorwer Platt|}} eraanjemaat. Luur_enß, ov dat jood jeschrevve eß. De mießte Tëx_Shtökke kannz_E en dä Schablon:Abdef Düsseldorwer Platt W wi mer t shprish änndere, wënnß_De wellß. Enne schöne Jrooß fum Purodha Blissenbach (Klaaf) 00:34, 14. Dez. 2006 (UTC)

Wie jeit et wigger?[der Quälltäx ändere]

Leeve Jan W: ich sinn em Momang net wie et he wigger jonn soll. Ich han dat Jeföhl, dä Purodha will un weed uns nit helfe, dat neue Interface inzeboue (hä säät, hä hätt kei Zick weil ich in ophalde - ävver hä hätt och nie klor jesaat, dat hä dat neue Interface als Standaad akzepteet). Hä blockeet de neue Schablone un dat Ömdäufe vun Sachjroppe. Hä määt selvs neue Rejele un dröck se dorch (z.B. Schablone dörfe nur op de Klaafsigg). Hä säät, dat es all de böse Düüvelskääl schuld - ävver hä hätt ja och Edits vun dir un vom Jüppsche rückjängich jemaat. Jetz well ich von dir och ens e klore Ansach, wat do un de andere Metmacher wolle. Ihr künnt wann ihr wollt neue Köbesse wähle oder avsetze. Ihr mösst et nur mache! Esuh wie jetz - kann un well ich he nit mieh wigger ärbeide. Et jitt Avstemmunge, ich mach dat wat de Medmacher saare, un hingerhe stonn ich allein do jeje de Purodha. Dat mit dem Wrede wor jo nit minge Idee. Also: de Metmacher mösse mir klar sare, wat ich mache soll. Ich kann ophüre, an de Templates un Sachjroppe un Schrievwiese ze ärbeide. Ich kann wigger mache. Ävver ich moss wesse, wat ihr wollt. Un wann euch de Purodha wichtijer es wie de Schrievwies - och jot. Ihr künnt och mich avsetze - ich weed nit krische. Ävver esuh wie jetz - jeit et nit. Düüvelskääl 10:46, 20. Dez. 2006 (UTC)

Ich ben doför dat dat neue Interface eeschte Priorität kritt. Wann et nüdich es, dobei Hindernisse usem Wääch ze rüüme, ming Ungerstützung hadder. --Jan Wellem 20:45, 3. Jan. 2007 (UTC)

Domet et noher nit heiß: Ding Froch han ich nit jesinn, die wor aan de verkehte Plaatz:

  • Wat kritt ene Besöker, dä nit aanjemeldt es (dä nor met sing IP-Adress erenkütt), wat kritt dä ze sinn, wann hä ksh.wikipedia.org opröf?

Wann dat de Usdröck vum neue Interface sin, dann es die Saach jeritz un die Köbes-Avwahl es för mich vum Desch. --Jan Wellem 16:12, 22. Jan. 2007 (UTC)

Jo, hann esch jesinn. Do kriss_en Antwoot, en a paa Menutte. Ben hück zo faßß nix jekumme wäje nem Dach-Schade. --Purodha Blissenbach (Klaaf) 16:25, 22. Jan. 2007 (UTC)

Thema Köbese[der Quälltäx ändere]

Vielleich kannste ens luure: Do well einer de Zigg zoröckdrije. --Caesius 15:01, 25. Jan. 2007 (UTC)

Domet esch mesch enß flögg_als_enne Nöttelfööneß aute :-)[der Quälltäx ändere]

  • Et jëijt hee öm ripuaresche Shproche, nit öm Kölsch allëijn. Do eß och Kirchröadsj med dobëij, un dat es dem Kölschenit besöndoß äänlesch.
  • Däm Caesius sing Lokalliseerungstëxte sinn nit weßßeschafflesch beleesh, et sin_emm sing ëijene. Mer hann allsu noch këijne fun dä 3 weßßeschafflesche Schriifaate fum Kölsch fäädesch. Esch well se alle hann, kloh. Ävver dat weed jeweß noch Moohnde doore. --Purodha Blissenbach (Klaaf) 03:15, 10. Feb 2007 (UTC)

Zeröcknämme[der Quälltäx ändere]

Onger dä Övverschreff „Däm Purodha sing Froge usserhalv vun ksh“ op dä Sigk Wikkipedija Klaaf:Op dr Eck häß De en Paa Behouptonge övver mesch jeschrevve, di nit wohr sinn. Wat do unger „Zo 1)“ shtëijt eß en fallsche Ongerställong un moß do fott. Onger „Zo 3)“ shtëijd, esch däät jät ongerställe. Dat eß nit woohr un moß do fott.

Do schriifß zwaa „Keiner well dat, wat do als „preference decisions“ ungerstellt weed.“ ävvo dat shtemmp jlish zwëij_mol nit: Esch ongerställ nix, un dar wat Do mir ongerställß, däd_esch ongerställe, shtëijd_op däsellve Sigk ëijn oddo zwëij Affschnedde drövver jrad alld_enß widdo fürjeschlare. Allso sëllefß wänn_ejjet saare däät — wat nid_esu eß — hädd_esch suja rääsch domet.

Et jitt Lück di de ville Dialekte un Schriifwiise unnüdich limiteere wolle. Do wo et technisch nit anders jeiht, dat em Momang noch bëij_de Name för de Saachjroppe, di mer en de Atikkelle erinn schriive dëijt. Sönß hammer këijn Beschänkonge fun de Tëschnek. Un wo mer onß jäz drop ëijnijje künne, hann_esch jo alld opjeschrevve. --Purodha Blissenbach (Klaaf) 00:22, 11. Feb 2007 (UTC)

Rita veschiebe?[der Quälltäx ändere]

Leeve Jan Wellem.Dat öss siehr nett,dat du mich op dä fiese Fähle opmerksam mähs,dä mir do passiet öss.könnste dat vielleech veschiebe,do wo et henjehührt,ich bönn leide noch netg esuwitt,dat zekönne.Falls dat net jeht,loss et mich wösse,dann löschen ich der Bejdrach on schrieven en an de rischtije Stell nöj.Rita21.2.2007,12.31Uhr

Rita veschiebe?[der Quälltäx ändere]

Ich hann et selevs henjekreje,enfach kopiet on enjefösch on dann op der andere sitt jelösch,hoffentlich wor dat net vekiert,du kanns me jo ens bescheed sare.--Rita 11:39, 22. Feb 2007 (UTC)

Dat Agreement weed in Froch jestellt[der Quälltäx ändere]

Do häs hück us de Haupsigg dat neu Sproch-Interface als Default widder erusjenomme. Domet häste in Foch jestellt ov Do dat neue Sproch-Interface als Default vörschlage/ungerstötze deis. Ene Köbes, dä (noh drusse) jet anderes well, als dat (hee en ksh) beklaaf un avjestemmp woode es, ... dat es kontraproduktiv ... wann dat nit janz flöck richtich jestellt weed, dann ben ich för en Avwahl.--Jan Wellem 21:59, 21. Feb 2007 (UTC)

Nit alld widdo.
Schrif mer nix mieh dofun op ming Klaafsigk, esch jevven hee këijn Antwoote mieh zo däm Teema, nur noch → Op dr Eck.
--Purodha Blissenbach (Klaaf) 20:07, 22. Feb 2007 (UTC)

Mer schwade hee nit english. Wenn de ävver unbedingk english schiive wellß, dann sei doch esu nett un maach {{lang|en|  …  }} oddo <span lang="en">  …  <span lang="en"> drömröm. Dat hillef an divärrse Stelle.

Et eß och nit nüdesch, jenou et sellve norr_enß ze schriive, wad_enne Anndere ald aanjefögrt hät. Ish hann ävver noch nit jeloort, obb_et wirklejj_et_sällve es. Ish wolld_et nur jrad jesaat hann. --Purodha Blissenbach (Klaaf) 00:20, 27. Feb 2007 (UTC)

Jo, wat wellß De sinn, Rökraat, odder för Dir Kruffe? Jlöüf mer, ish hatten ming Jrönd. En nohdräschlesch jeänndote Shtemm, woh dat en jode Idee? Denk norr_enß drövver noh. Approppo Houpsick, en ennem Wikki kam_mer sing Fürshtellonge och sellver ennbrenge. --Purodha Blissenbach (Klaaf) 16:26, 27. Feb 2007 (UTC)

Satansbraten: no real edits[der Quälltäx ändere]

Kanns Do mesh med ennem Lengk fosorrje, womet mer dem Satansbraten beläje künne, wat imm fäält? Isch mëijn natöllesch nit sing Special:Contributions/Satansbraten sönndonn, en Sigk, wo enß opjeschrevve es, wat de Anforderonge wore. --Purodha Blissenbach (Klaaf) 18:47, 27. Feb 2007 (UTC)

Ich wollt nur mal ne Gruss loss werde. -- de neue 00:43, 2. Mäz 2007 (UTC)

Dein Konto wird umbenannt[der Quälltäx ändere]

04:10, 18. Mäz 2015 (CET)

w

06:40, 17. Apr 2015 (CEST)