Dwight D. Eisenhower

Uß de Wikipedia
Zur Navigation springen Zur Suche springen
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
US-Präsident Dwight D. Eisenhower

Dwight "Ike" David Eisenhower (* 14. Oktober 1890 ä Denison (Texas); † 28. Määz 1969 ä Washington D.C.) woch tösche 1953 un 1961 dr 34. Präsident van d USA.

Si Lääve[Ändere · der Quälltäx ändere]

Sing Juurend[Ändere · der Quälltäx ändere]

Ike, op Ripuaresch sprecht mo dat Aik us, önö Amerikaner dütscher Herkonft, wood als dreides Kengk va David Jacob Eisenhower un Ida Elizabeth Stover ä Denison jeboore. Am 11. Juli 1916 hiirode hä öt Mamie Geneva Doud (1896 - 1979). Met hör kräät hä 2 Kenger, wobei e at vrüsch storv.

Am 14. Juni 1911 troon hä öt Militär beij un jäng no d Militärakademi va West Point. Di schloss hä 1915 met Ärfolsch aav. Donoo klomm hä en d Räng van öt Militär hüüdr und wood 1917 Käptn. Bes 1941 reichde öt zm Stapschef van d 3. US-Armee un Aik wood sujar Brijadejeneral.

Em 2. Weltkresch jäng dä Opstiich wiir. Hä wood önö Viir-Stääre-Jeneral un woch sujar vöör dr D-Dei, d Invasiun en d Normandi, zoständich.

Aik an dr Daach vöör d Invasiun en d Normandi

No dr Kresch övvernomm hä dat Amt als Militärjuverneur van d US-Soldate en öt besätzde Dütschland.

Wi öt völl Amerikaner jäng, hott hä ö Küddelche met sing Sekretärin, öt Kay Summersby, ö nätt Vrommisch us Irland.

1947 wood Aik dr Präsident van d Kolambia University.

1950 wood Aik dr Chef van d NATO-Soldate ä Europa. Zwei Joohr spiidr, am 31. Mai 1952 joov hä si Militärwerk op, dänn hä mood sisch op dr Waahlkampf vöör d Präsidentschaft vörbereite.

Aik en d Politik[Ändere · der Quälltäx ändere]

Aik mängelnde en Vorträje tösche d USA un Korea suwi Taiwan öröm. Usserdem sproch hä sisch jäje d Rassetrännung va Schwazze un Wisse ä Schülle uss.

Öt duurde bes 1952, iih Aik sisch entschloss, zm US-Präsident z kandideere. Dat fluppde un hä wood 1953 dr 34. Präsident van d USA.

En d Politik woch hä önö jemäßichte Präsident, dä öt d Republikaner un d Demokrate räät maade. En sing Zitt veel d Jründung van d NASA.

1961 joov hä öt Amt op. Singe Nachfoljer wood John F. Kennedy. Aik storv am 28. Määz 1969 ä Washington D.C..

Websiije[Ändere · der Quälltäx ändere]