Andrew Jackson

He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Andrew Jackson (* 15. Määz 1767 en d Waxhaw Siedlung, dat litt tösche d Staate North Carolina un South Carolina; † 8. Juni 1845 en d Nööde va Nashville, Tennessee) woch tösche 1829 un 1837 dr 7. Präsident van d USA. Hä woch dr Jründer van d Demokratische Partei en d USA.

Si Lääve

Hä woch öt Kengk van dr Alde Andrew Jackson un sing Vrau Lisbeth, di s all öt Betti nannte. Di woore us Irland en d USA jekomme. Andrew werkde seid si 16. Lävensjoohr als Räätsvordriener. Ä Tennesse maade hä su jooh Werk, dat hä bald en d Vorsammlung koom, di d Vorfassung va Tennessee opstald. 1798 wood hä Richtr an öt övvichte Jericht. En di Zitt kräät hä Kniiß met dr Präsident van d USA Thomas Jefferson. Dat jäng ösu doll zo, dat hä sisch ön Zitt lang us d Politik zörocktrock un op singe Buurehoff zöröckjäng. Do passeerde jät. Beij ö Duell wood hä schwoch vorlätzt, 2 Räbbe woode kapott jeschooße, si Häzz bo jetroffe.

Beij öt Militär

1812 wood hä dr Chef van d Milizze va Tennessee un jaahrde d Muskogee-Indianer no Florida. 1815 sooch öt ösu uss als övv d Ängländer d Stadt New Orleans aajriife wööde. Öm dat netz o z losse wood Jackson zm Jeneralmajor jemaad. Als hä d Ängländer vordriive kutt, wood hä zm Nationalhälde.

Jackson en d Politik

Jackson trock ön en d Politik zöröck. Hä wood Militärjuverneur va Florida un tösche 1823 un 1825 Senator van Tennessee. 1924 sooch öt ösu uss als övv hä Präsident wade kütt, hä hott jenoch Stemme, aver öt Repräsentantehuus laat sisch op John Quincy Adams vass. Isch 4 Joohr spiidr, fluppde dä Sprong. Am 4. Määz 1829 troon hä dat Präsidenteamt a. Ä sing Amtszitt hott hä völl met Indianer z do, ändernde dat Wahlräät un hä schaffde öt, d Weetschaft dörch ön Neuorjanisatiun z verbessere.

Martin Van Buren löößde häm 1837 aav.

Websiije

Lėß met_de USA ier Prëssidënte