Joseph Kardinal Frings

Uß de Wikipedia
Hee di Sigg_is_op Bönnsch
(Sigge op Bönnsch)
unn jeshrivve wii_mer_t_shprish
(mieh Sigge jeshrivve wii_mer_t_shprish)
Joseph Kardinal Frings

Joseph Kardinal Frings jeboore am 6. Februar 1887 en Nüüß, jestorwe am 17. Dezember 1978 en Kölle, wor von 1942 bes 1978 Ärzbischoff von Kölle, dänn die Kölsche ärsch joot ligge konnte, jään hatte un veiehre dääte.

Joseph Richard Frings woor de zweite Panz von insjesamp aach Pänz vom Fabbrikant Heinrich Frings un singer Frau Maria uss Nüüß. Bes'e 1910 zom Priester jeweiht wudde es, hätt'e en München, Innsbruck, Freibursch em Breisjau un en Bonn katholische Theolojie studeet. Donoh wor'e bes 1942 Kaplon en Köln-Zollstock, Pastur en Köln-Fühlingen, Leite vun e'nem Waisehuus en Nüüß, Pastur en Köln-Braunsfeld un Öwerschte (Regens) vom Priesterseminar en Bensbersch. Am 1. Mai 1942 es'e zom Erzbischoff von Kölle beroofe, un am 21. Februar 1946 en et Kardinalskollejijum opjenomme wudde.

Noh em Kardinal Frings es de ehemolige Südbröck von Neuss noh Düsseldorf benannt. Och et sujenannte Fringse es noh imm benannt, als de Lück noh em Kreesch nix ze Stoche hatte.

Verzällscher[Ändere · Quelltext bearbeiten]

Als de Frings noh em Kreesch Kardinal jewudde wor, hätt'e sing ahle Jemeind en Köln-Braunsfeld, wo'e Pastuur jewääse wor, besök. Et Empfangskomitee stond vür de Kirch parat un däät op inn waade. Als de Kirche-Schweizer imm de Autodür opmaache däät, fung dä aan: „Es freut uns Eminenz, dass wir Sie heute in unserer Gemeinde herzlich begrüßen dürfen.“ - Dorop de Frings en Platt: „Herr Schmitz, maat doch net esu e Jedöhns, dat hatt'r doch fröher och net jemaat.“

Websigge[Ändere · Quelltext bearbeiten]

Söök „Joseph Kardinal Frings“ im Kattalooch bëij de → Deutsche Bibliothek