Dominik Brunner
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)
Dä Dominik Florian Brunner wood en Ergoldsbach aam 18. Mäi 1959 jeboohre, un aam 12. Säptämber 2009 en Münche om S-Baahnhoff Fürstenried-Solln duudjeschlaare, nohdämm hä vier Pänz jäje Schlääjer en Schoz nämme wullt. Hä wohr dohmohls eine unger drei Jeschäffßföhrer vun dä Erlus AG en Neufahrn en Nidderbayere, en Ferrma, di Zijjele määt.
Sing Levve
[Ändere · der Quälltäx ändere]Dä Dominik Brunner es en ner Famillesch vun Ongernehmer en Ergoldsbach opjewahße. Hä wohr e Einzelkend. Singe Vatter wohr dä Oscar Brunner. Hä schtundt zigk däm Aanfang vun de 1960er Johre en Leidungpusizjuhne en dä Erlus AG, di en de Houpsaach Daachpanne määt, wi shpääder singe Sonn.
Ußbeldung un Berohf
[Ändere · der Quälltäx ändere]Noh singem Abituur, wat hä en Landshut jemaat hat, hät hä Juresterei schtuddeet aan de Ludwig-Maximilians-Universität en München. Donoh jingk hä bei de Erlus AG, woh singe Vatter aam ärbeide wohr. 1994 kohm hä en de Föhrungs_Etaasch vun dä Ferrma un wohr doh zohschtändesch för de Beraiche Jeld, Ojanisazjuhn, Päsonaal, Rääsch un Eijkouf.
Websigge
[Ändere · der Quälltäx ändere]- Der offizjällen Sigge vun de Erlus AG
- De Dominik Brunner Steftung
- Der Tod von Dominik Brunner - ein Fanal — ene Atikkel en de Frankfurter Alljemeine Zeidung (op Dütsch)
- Bayerischer Verdienstorden für Mordopfer Dominik B. — ene Atikel em Merkur-Online (op Dütsch)
- Er hat nie weggeschaut: ene Atikel en de tz-online, met Belder (op Dütsch)
- 13-jährige Zeugin spricht über die Tat — ene Atikkel em Focus, woh eins vun dä Pänz säät, wi et wohr (op Dütsch)