Wikipedia:Schrievwies

Uß de Wikipedia

He op de Sigg wolle mer verzalle wie mer op dä ripoarische Wikipedia schrieve donn. Wann do kei Loss häs dat he ze lese, dann schriev einfach wie dir de Fenger jewaaße sin. Et weed ad richtij sin, un wann nit, dann säät et dir wer oder hä määt et einfach besser.

Jrundsätzlich[der Quälltäx ändere]

Jeder schriev, wie em de Fingere jewaaße sin. Et jitt hungert verschiddene Dialäkte em Rhingland un dousenderlei verschieden Schrevvaate. Maach et einfach esuh wie du wills, schriev wie du et hüürst, un wann do denks, nä wie soll ich dat dann, dat es doch wie ad noch ens schrieve ze liehre, jo, dann schriev einfach wie de andere dat donn.

En de Atikele, alsu de nommaale Sigge, di för uns Lässer jedaach sin, schrieve mer

  • woh müjjelesch en dä Aat un dämm Dijaläk vun enem Oot, wann et öm dä Dijaläk udder dä Oot jeiht.
  • wie jeder ein well, ävver kei Jemölsch, wann_t jeiht. Dat sull heiße, wä jet aanfängk, schrief, wi et im jevällt. Wam_mer dann doh Kleineschkeite draan ändere udder dobei schrieve well, deiht mer dat esu joot, wi mer kann, en dersellve Schriefwies un em sellve Dijaläk.

Ed MediaWiki Ingerfäijß[der Quälltäx ändere]

Wann de mëijnß, dat_De de Schrievwies fun dä jannze Lengkß ußße öm die Sigger eröm schlääsh lese künnß, dat kanns do en a paa Woche unger Ëinstellunge ändere.

Do kanns och wann do wills en eijen Interface för ding eijen Dialekt schrieve. Dat kann sich dann och jeder op de Schirm holle.

Navvi_Schabloone[der Quälltäx ändere]

Sen em_Momang all en eijne Shproch jeschrevve. Dat künne mer baahl med enne nöüjere Ußjov_fun de ßoffwëer änndere. Do freuje mer uns drop.

Ömlëijdonge — Redirects[der Quälltäx ändere]

Alleß em Wikki beß op Saachjroppe ka mer och üvver Ömlëijdonge (Wiggolëijdonge, Redirects) inboue, folengke, un fėnge, dat heiß, mer kann et domet im eijene Dialekt benenne.

Wänn Der opfällt, wo ëijn fäält, lääsch en Ömlëijdong aan. Mer hann enne Automat dä jelöüfije un bekannte Ömlëijdonge aanlääsh.

Sachjropp könne - zer Zick - nur eine Name han. Mer kann se nit üvver redirects verknüppe. Dröm dißketeere mer Project hee, wi mer domet ömjonn wulle.

Lemma-Titele, Sigge ier Name[der Quälltäx ändere]

Wat met dä Övvverschreffte vun de Sigge sin sull, dat wood ens beklaaf — schriif ëijnfach wi De mëinß. Nommaalerwiiß lohße mer et esu shtonn, wi däm sing Platt woh, dä en Sigk et eez aanjelaat hät. Bei Sigge, di tiräk medd_enem beshtemmpte Dijaläk ze donn hann, odder övver dä Oot jon, woh mer ene beshtemmpte Dijaläk kalle deiht, do versöke mer, uns aan dä Dialäk ze hallde.

De diverse Sigge, woh Schriif_Aate beschrevve sin. Alleß norr_em Opbou.

  1. Noh Töhn:
  2. Nohm Huhdeutsche:
  3. Nohm Nederlahnß: