Schlesch
Schlesch (op Huhdütsch kallt me van Schlich) es en Dörp en de Jemeende Langêweh, Krees Düre em Bondesland Noordrhing-Wässfaale.
Övve dat Dörp[Ändere · der Quälltäx ändere]
Schlesch ligg en d'r Herrschaff Maroêd, zesamme met Jejch, Orrejejch, Doê, Kotzedörp on Ääks. Met onjefähr 2500 Enwonne es et och et jrößte Dörp van d'r ahle Häêschaff.[1] Et ligg töüsche dä Ejfel on demm platte Land vanne Ääkser Lößplatt, die zer Jöllesch-Zöllesche Börde jehüürt.
Noam[Ändere · der Quälltäx ändere]
Dä Noam van Schlesch kütt vamm ahlhuhdütsche Woêt füê Schlamm of Schlick on su woê dä Oêt em Meddelahle als Slige bekanngk (1309). Dôzo brängk me de Noam och met ene jewisse Johann van Sliche on ene Häê Reynart van Schlych en Vebengong.
Jescheschte[Ändere · der Quälltäx ändere]
Den iêschte Nôhwies van Schlesch en de Jescheschtsböchelche fenge mer Aanfang van't 14. Joarhonget, woa ene Regger van Maroêd, dä Schäng van Slige en en Uêkond jenanngk weed. Ävve söns hüürt me net esu vell van demm Dörp.
Zer Zick van dä drießischjoarije Kreesch wodd Schlich ejnije Moale van ongescheedlesche Truppe övvefalle un jeplüngert.
Em Herres/Wänkte 1666/7 wodde Schlich on Maroêd vam schwaatze Duud, d'r Päss, heemjesöök, wôbej ene Jrußdeel van de Enwonneschaff om et Lävve jekumme es. Dröm hätt me hengenoah met Spendejelder en Klock jehollt, de och höck noh en dä Donates-Kapell ze bewongere es.
1799 zällte dä Ort onjefähr 320 Enwonne, van denne de meeschte katholisch woêre.
Nôhem Zweide Weltkreesch wodde Schlesch on Doê zo een nöüe Jemeende zesammejeleesch. 1984 jinge de zwei Dörper dann en de Jemeende Langêweh op.
Vereine[Ändere · der Quälltäx ändere]
- Speelmannszoch „Grün-Weiß“ 1949 Schlich e.V.
- Maijesellschaft Schlich – D’horn 1751 e.V.
- Freiwillije Füêwehr, Löschjruppe Schlich-Merode
- Jugendtreff AG
- Karnevalsverein Kreechelberger Funken Schlich e.V
- Fooßballclub FC Viktoria Schlich 1911 e.V.
- Tischtennisclub DJK TTC 1948 Schlich e.V.
- Eifelverein, Ortsgruppe Schlich
- St. Martinus und Donatus Schützenbruderschaft Pfarre D’horn 1628 e.V.
- St. Matthias Bruderschaft Pfarre D’horn
- Kirchenchor St. Martinus – Cäcilia der Pfarre D’horn
- DRK Düren, Bereitschaft Schlich
Trivia[Ändere · der Quälltäx ändere]
De Schlesche weede van de Löü uss angere Dörper och "Waggese" jenangk. En Wagges es em Dürener Platt ävve och en Woêd füê ene jrobe Käêl odde ene jruße Stein.[2] Dä Bejreff kann sesch ävve och op de Häêschaff Maroêd betröcke: De Förste van Maroêd sin Beljier, on ene Beljier weed em Platt heezolangk och "Wagges" jenanngk.
Literatur[Ändere · der Quälltäx ändere]
- Günter Breuer (2009): Die Ortsnamen des Kreises Düren. Shaker Verlag. Aachen. ISBN 978-3-8322-8475-6
Verwies[Ändere · der Quälltäx ändere]
- ↑ https://www.langerwehe.de/gemeinde/zahlen-daten-fakten.php Letzter Abruf: 15. Mai 2020
- ↑ Joseph Heinrichs(2012): Ons Mottersproch: Ein Wörterbuch für Dürener Mundart früher und heute. Hahne u. Schloemer Verlag. Düren. S. 143.