Langerwehe

Uß de Wikipedia
Zur Navigation springen Zur Suche springen
Dat Wappe van Langerwehe zeech nävve dä Jüliche Löv och drie Döppche, de füê de Döppchebäcke on de drie Dörpsdeeler stonn

Langerwehe es en Jemeende im Wesskrees van Düre. Et ligg töüsche de Kreesstadt em Osste on Aischwiele em Wesste, esuwie töüsche de Jemeinde Inden on Hüêtschewald en Norde on Süde. De Jemeende ligg aan de Nordusslööfer vamm Hüêtschewald on en Deel och em Naturpark Huhes Venn-Eijfel.

Dörpe in de Jemeinde[Ändere · der Quälltäx ändere]

Ortsdeel Enwonne
D’horn 337
Jehöfte 101
Jeich 215
Hamich 842
Hestere 950
Jöngeschdorp 1710
Langerwehe 4196
Luchem 658
Maroêd 688
Ovejeich 348
Pier 782
Schlesch 2445
Schönthal 83
Stötschelauch 981
Wenau 23

Stand: 31.12.2019[1]


Jeschichte van dä Ort Langerwehe[Ändere · der Quälltäx ändere]

Dat Dörp selefs

Dä Hauport Langerwehe es us drie angere Dörper entstonn: Remelsberg (odde och Rymelsberg), Uhles on Wehe. De Jejend wodde att fröh van de Franken besiedelt on öm dat Joar 1000 heröm wodde hee och de iêzte Döppchebäckerej jejgröndet, woafüê dat Dörp och höck noh bekannt es.

Em Meddelahle jehüürte Langerwehe füê lange Zick zum Herzochdom Jöllesch, ävver noahdemm dä Napoleon us Fronkreich herövve kam, wudde de Jejend, de me höckzedaach als Langerwehe kennt, opjedeelt. Dat Dörp Langerwehe selefs, suwie Hamisch, Hestere on Stötschelauch wodde Deel vamm nöüjejröndete Kanton Aischwiele, woahinjejen Schlesch, Maroêd, D'Horn, Jöngeschdörp, Jeich, Ovejeich on Luchem zem Kanton Düre koame.

Noah de Nedderlaje van Napoleon jejen de hellije Allianz on Jrußbritannie, woê Langerwehe av 1815 bzw. 1822 ene Deel vamm Könnigrich Prüüße jewäßß. Noah de zweide Weltkreesch wodden de Dörper en dä Jejend een offizielle Jemeinde vamm nöüjejröngke Bondesland Noodrhing-Wäßßfaale, woa se bes höck och jeblievve sin.

Em Joar 2004 koam noh Pier als nöues Dörp en de Jemeinde, noahdemm dat ahle Pier en de Jemeinde Inden wejen dä Brongkoll avjerisse wodd.[2]

Stadtfrönkschafte[Ändere · der Quälltäx ändere]

Langerwehe hätt ene Stadtfrönkschaf met de englische Stadt Exmouth.

Kultur[Ändere · der Quälltäx ändere]

Langerwehe hätt en bekanntes Döppchebäckerejmuseum, woa me vell övver de Jeschichte dä Döppchebäcke liêhre on och selefs jet herstelle kann.[3]. Ussedemm jitt et en Maroêd noh en ahl Wasseschlössje, woa me em Dezember ene schöne Wiêhnaatsmaat bezoeke kann.[4]

Literatur[Ändere · der Quälltäx ändere]

Verwies[Ändere · der Quälltäx ändere]

  1. https://www.langerwehe.de/gemeinde/zahlen-daten-fakten.php Letzter Abruf: 15. Mai 2020
  2. https://www.langerwehe.de/gemeinde/geschichte.php De Jeschichte van dä Jemeinde. Letzter Abruf: 15. Mai 2020
  3. https://www.langerwehe.de/tmuseum/index.php Letzter Abruf 15. Mai 2020
  4. https://www.weihnachtsmarkt-merode.de Letzter Abruf: 15. Mai 2020