Langêweh

Dat Wappe van Langêweh zeech nävve dä Jüliche Löv och drie Döppche, de füê de Döppchebäcke on de drie Dörpsdeeler stonn

Langêweh (op Huhdüütsch: Langerwehe) es en Jemeende em Wesskrees van Düre. Et ligg töüsche de Kreesstadt em Osste on Aischwiele em Wesste, esuwie töüsche de Jemeende Inden on Hüêtschewald en Norde on Süde. De Jemeende ligg aan de Nordusslööfere vamm Hüêtschewald on en Deel och em Naturpark Huhes Venn-Eijfel.

Dörpe in de Jemeinde

Ortsdeel	Enwonne
Doê	387
Jehöfte	87
Jejch	317
Hamich	897
Hestere	898
Jöngeschdorp	1819
Langêweh	4369
Luchem	720
Maroêd	654
Orrejejch	458
Pier	882
Schlesch	2399
Schönthal	69
Stötschelauch	1065
Wenau	9
Jesamt	15.030

Stand: 31.12.2024

Jeschiêt vamm Oêt Langerwehe

Dat Dörp selefs

Dä Haupoêt Langêweh es uss drej angere Dörper entstonnde: Remelsberg (odde och Rymelsberg), Uhles on Wehe. De Jäjend wodd att fröh van de Franken beseedelt on öm et Joar 1000 eröm wodde hee och de iêzte Döppchebäckerej jejgrönget, woafüê dat Dörp och höck noh bekannt es.

Em Meddelahle jehüürte Langêweh füê lange Zick zom Herzochdom Jöllesch, ävver noahdemm dä Napoleon uss Fronkreich erövve koam, wudde de Jäjend, de me höckzedaach als Langêweh kennt, opjedeelt. Dat Dörp Langêweh selevs, suwie Hamisch, Hestere on Stötschelauch wodde Deel vamm nöüjejröngk Kanton Aischwiele, woahenjäje Schlesch, Maroêd, Doê, Jöngeschdörp, Jejch, Ovejejch on Luchem zem Kanton Düre jekumme sinn.

Noah de Nedderlaje van Napoleon jäje de hellije Allianz on Jrußbritannie, woê Langêweh av 1815 bzw. 1822 ene Deel vamm Könneschrich Prüüße jewäßß. Noah de zwejde Weltkreesch wodde de Dörper en dä Jäjend en offizielle Jemeende vamm nöüjejröngke Bondesland Noodrhing-Wäßßfaale, woa se bes höck och jeblievve sinn.

Em Joar 2004 koam noh Pier als nöues Dörp zo d'r Jemeende doazo, noahdemm dat ahle Pier en de Jemeende Inden wäje dä Brongkoll avjerisse wodd.

Stadtfrönkschafte

Langêweh hätt en Stadtfrönkschaf met de englische Stadt Exmouth.

Kultur

Langêweh hätt zoademm en bekanntes Döppchebäckerejmuseum, woa me vell övver d'r Döppchebäcke iêh Jeschiêt liêhre on och selefs jet häêstelle kann.. Ussedemm jitt et en Maroêd noh en ahl Wasseschlössje, woa me em Dezember ene schön Wiêhnaatsmaat bezööke kann.

Literatur

• Günter Breuer (2009): Die Ortsnamen des Kreises Düren. Shaker Verlag. Aachen. ISBN 978-3-8322-8475-6

Wäbbsije

 Commons: Langêweh – Sammlung von Bilder, Filemche un Tön op Wikimedia Commons

• De Jemeende ier Wepsije (op huhdeutsch)