Odin

Uß de Wikipedia
Zur Navigation springen Zur Suche springen
Odin en en schwädisch Version van de Edda (1886)

Odin (odde och Wodan) is ene Jott van de jermanisch Mytholojie, woa e dä Jöttefatte es. E is zodemm dä Fatte van demm Thor un och van velle angere Jötte un Jöttine.

Noam un Etymolojie[Ändere · der Quälltäx ändere]

Dä Noam van demm Odin kütt vermotlich van demm ahljermanische Woêt füê Woot, wat zwar em Huhdütsche maa esuvell wie "Sickig sinn" heescht, ävver em ahljermanische och suwat wie Liggeschaff heeße kann. Dä Noam hätt sin Uêsprong en demm jemeenjermanische Jöttenoam *wo​ðanaz (dat is ävve bluß wedderherjestellt), van demm sich o.a. et ahlänglisch Wōden, et ahlsässisch Uuoden, et ahlnedderländisch Wuodan un et ahlnoordisch Oðinn avliggt.

En de Interpretatio Romana hann die Röme denn Odin met deren sing Mercurius verjliche, weßweje de Meddwoch höck denn Noam van demm Jot hätt. Em [Dütsche Sprooch|Huhdütsche]] kann me dat net mieh erkenne, ävver z.B. em Änglische (woa me de daach als Wednesday kennt) un en de nedderländisch Sprooch (doa heesch et Woensdag) fingk me et noh.

En de Mytholojie[Ändere · der Quälltäx ändere]

Me kennt de Odin voêallem als de bövverschte Jott en de janze jermanische Mytholojie. Et jeevt Löck, die denke, dat voê lange Zick dä Tyr dä bövverschte Jott woêr, ävver doarüvve es me sich noh net esu sicher. En denne ahlnoordische Verzällcher (wie de Edda z.B.) es e de Fatte van demm Thor un rejiert de Jöttewelt Asgard van senge Palast Valaskjalf uss (dat es doa, woa sich och Walhalla befingk). Senge hellije Waffe heescht Gungnir, wat ene jruße Speer es. Dä Odin es och bekannt doafüê, dat e maa een Ooche hätt.

E hatt zoademm eenije Huusdierche, z.B. seng Pääd Slepnir, senge Raave Hugin un Munin, suwie senge zwei Wölefe Geri un Freki.

Literatur[Ändere · der Quälltäx ändere]

  • Rudolf Simek: Lexikon der germanischen Mythologie (= Kröners Taschenausgabe. Band 368). 3., völlig überarbeitete Auflage. Kröner, Stuttgart 2006, ISBN 3-520-36803-X (Erstausgabe: 1984).
  • Arnulf Krause: Reclams Lexikon der germanischen Mythology und Heldensage. Philipp Reclam Jun., Stuttgart 2010, ISBN 978-3-15-010778-2.