Thor

Uß de Wikipedia
Zur Navigation springen Zur Suche springen
Thor, jemaalt van Mårten Eskil Winge

Thor odde och Donar es ene Jott en et jermanisch Mytholojie, woa e dä Donnejott es. E es dä Son van dä bövveschte Jöttefatte Odin un de Jöttin Jörd un woê en alle jermanische Vülke bekannt.

Noam un Etymolojie[Ändere · der Quälltäx ändere]

Dä Noam van dä Thor kütt van demm Donne un hätt en de velle jermanische Sprooche eenije ongescheedlische ävver och ähnlische Noame: Su heesch e em Ahlsässische Thunaer, em Ahlänglische þunor, em Ahlhuhdütsch Donar, em Ahlnedderländisch Donre un em Ahlnoordisch þunrar. Doaruss komme de Sproochweßßeschaffler op et uêjermanische Woêt *þunaraz. Senge Noam fengk sech zodemm och en de Noam van demm Donnesdaach wedder (vejlich et met de ängl. thursday, dänisch un schwädisch torsdag)

Wat määht denne Thor us?[Ändere · der Quälltäx ändere]

Dä Hamme[Ändere · der Quälltäx ändere]

Thor es vuêallem bekannt füê senge Waffe, ene mäschtije Hamme, denn me Mjönir nennt. Doamet schläächt e sech off met de Riese, de ons Midgard de janz Zeck övve bedrohe. Dä Hamme es ävve ja net su eenfoch ze hevve un bluß dä Thor selefs hätt jenoch Mattes en de Maue doafüê.

Höckzedaach es de Mjönir en jernjesenn Accessoire bej jermanische Nöüheide un Metalhüüre.

En Europa es dä Thor net dä eenzeje Donnejott met su ene Waffe, och dä Perun van de slaavisch Mytholojie hätt esu en Deng.

Jeeße[Ändere · der Quälltäx ändere]

Dä Thor hätt ene Wage, dä van zwei Jeeße jetreck weed. De bejde heesche Tanngrisnir and Tanngnjóstr.

Familie[Ändere · der Quälltäx ändere]

En de ahlnoordische Lejende van dä Edda, dä Thor hätt en Frommensch met de Noam Sif un zesamme hätt dat Paar een Doête, de Thrudr heesch. Zoademm hätt e noh zwei Sonne van Jarnsaxa: Magni un Modi.

Em Ragnarök[Ändere · der Quälltäx ändere]

Wenn dä Weltongjang kütt, moêt dä Jott jeje die jruße Midgardschlang kämpfe un de zwei bränge sech jejeseggisch öm.

Literatur[Ändere · der Quälltäx ändere]

  • Rudolf Simek: Lexikon der germanischen Mythologie (= Kröners Taschenausgabe. Band 368). 3., völlig überarbeitete Auflage. Kröner, Stuttgart 2006, ISBN 3-520-36803-X (Erstausgabe: 1984).
  • Arnulf Krause: Reclams Lexikon der germanischen Mythology und Heldensage. Philipp Reclam Jun., Stuttgart 2010, ISBN 978-3-15-010778-2.