Maibrauchtum

Uß de Wikipedia
Zur Navigation springen Zur Suche springen
Hee di Sigg_is_op Bönnsch
(Sigge op Bönnsch)
unn jeshrivve wii_mer_t_shprish
(mieh Sigge jeshrivve wii_mer_t_shprish)
Maiboom
Eiekroon

Et 'Maibrauchtum' em Rheinland es wie andere lokale Brauchtümer sehr speziell un deet sich von Dörp ze Dörp ungerscheede.

Maiboom[Ändere · der Quälltäx ändere]

En de Naach zom ierschte Mai trecke Jungjeselle zesamme en de Bösch, fälle junge Birke, un schmöcke die Bööm met bontem Krepppapier för ihr Leevje. Dä Maiboom witt dann noch en d'r sälewen Naach met veel Kraach un Jedöns för et Finster von dämm Mädche jesatz. Wer als Mädche keene Maiboom gesaatz kritt, jilt em Dörp als "verdrüsch".

Maiaansinge[Ändere · der Quälltäx ändere]

För de Haupplatz em Dörp wierd en besonders jruße Birk jeschmöck, unger dä de Männerjesangverein am ierschte Mai de Mai un de Fröhling met Fröhlingsleedsche bejröße deet.

Maiaandach[Ändere · der Quälltäx ändere]

En de Kirch fiert me Maiaandachte aam met Fröhlingsbloome jeschmöckte Maialtar, un deet de Modderjoddes veriehre, dä de Mai jeweiht es un die och "Maienkönigin" jenannt wierd.

Versteijerung von de Maibräut[Ändere · der Quälltäx ändere]

En veel Dörpe fingk en Versteijerung von de Maibräut statt. Dobei werde all "Jungfraue", alsu die unverhieroate Mädche aff 16 Johr, unger de Junggeselle vom Dörp versteijert. Su witt de Maikönijin ermittelt. Dä hüüxbeedende Jungjesell, dä dat Mädche ersteijert hätt, es dann bes zom nächste Johr de Maiköning vum Dörp. Ze Iiehre vom Maiköningspaar fieren se dann et Maifess met e'nem Fesszoch durch et Dörp un e'nem Krönungsball.

Eiekroon[Ändere · der Quälltäx ändere]

En Eiekroon witt em Mai von de Junggeselle vom Dörp jemaat un näwe, ode am Maiboom opjehange. Dat wor ursprünglich e'ne Fruchtbarkeitsbrauch von de Heide, dä wie su veel andere Bräuch christianiseert un op Pingste verläsch wudde es. De Eijekroon bleff fröhe su lang hange bes de ierschte Äärntewaare drungerherjefahre wor.

Websigge[Ändere · der Quälltäx ändere]