Clovis-Kultur

Uß de Wikipedia
Zur Navigation springen Zur Suche springen
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Ön Spärspetz us d Clovis-Kultur

D Clovis-Kultur es d ischde övver ön jrüüßere Jäjend sisch ärstreckende Kultur va vöörjeschichtliche Mänsche op dr amerikanische Kontinent.

Dr Naam[Ändere · der Quälltäx ändere]

Dr Naam Clovis kräät di Kultur van dr Ocht Clovis än dr US-Staat New Mexiko, wo d ischde Spärspetze, di di Kultur usszeechnede, jevonge woode. Met d Hölp van d 14C-Method kutt vassjestalld wääde, dat di Mänsche en d Clovis-Kultur voor ongeväär 11.000 bes 11.500 Joohr jeläävd hand.

Öt Lääve van d Mänsche en d Clovis-Kultur[Ändere · der Quälltäx ändere]

D Mänsche us d Clovis-Kultur fluppde öt, en mä 500 Joohr Nord- un Meddelamerika z besiidele, ussjenomme woore d Iißfläsche em huhe Norde un d Iißpanzere op d Rocky Mountains. Övverlääve kutte s mä dörch d Jaacht op Mammuts, RiiseVuuhldeere un vöör allem öt Bison.

Övver dat Lääve van d Mänsche weeß mo mä, dat s an d Ställe jewaad hand, wo d weld Deere vorbeij koome. Do woode Knouche vonge, di van d Jacht stamme moote. A anger Ecke vonge d Historiker Hömmele Stöcker va Stehen. Doruss wood jeschlooße, dat do ön Wärkstatt jewääh se mood. Usserdäm nämmt mo a, dat d Lüüh damols ä Hööhle dr Wengkter vorbraate. Öt es och möjelich, dat s kläng Hötte bouwde, öm sisch vöör öt Wäähr z schötze.

D Spärspetze[Ändere · der Quälltäx ändere]

D Spärspetze send d wechtichste Anzeeche van d Clovis-Kultur. Bes z 20 cm jruuß wore di. Meetzdens send di us Veuerstee jemaad.

Öt Äng van d Kultur[Ändere · der Quälltäx ändere]

Als no öt Äng van d Iißzitt völl Deere usstorve, jäng öt och met d Clovis-Kultur z Äng. Dat woch onjeväär 11.000 Joohr vöör Christi-Jeburt. No ön Teori schloch öm di Zitt önö Meteorit enn, watt dozo vüürde, dat d Deere ussstorve.

Websiij[Ändere · der Quälltäx ändere]