Äärdbävve en d'r Kölner Bucht

Uß de Wikipedia
Zur Navigation springen Zur Suche springen
Äärdbävvejebiete DIN 4149

De Kölner Bucht määt_e_ne Deel us vum rheinische Äärdbävvejebiet, dat sich vun Basel bes_e_rop en de Beneluxstaate erstrick.

Wie kütt et zo Äärdbävve[Ändere · der Quälltäx ändere]

De Kölner Bucht litt net aan_e_ner Jrenz zwesche zweij Kontinentalplaate, wo söns Äärdbävve opträdde, söndern kritt vun d'r afrikanische Plaat södlich vun Italie Druck aff, die jäjen de eurasiche Plaat dröck un dä Druck wiggerleite deijt. Su kütt_et en Meddeleuropa zo Äärdspannunge, die sich aan schwaache Stelle wie d'r Kölner Bucht als Äärbävve entlade, un dä Bodem jedesmol öm e paar Zentimeter affsinke loosse. Wessenschaffler halden et för möchlich, datt en d'r Kölner Bucht Äärdbävve bes zo e_ner Stärk vun 6,4 op d'r Richterskala stattfinge könnte. Grundsätzlich kame sare, dat me aff_e_ner Stärk vun 5,0 en Deckung jonn soullt, un aff 5,5 ne_mie stonn un wegloofe kann.

Fröötere Äärdbävve[Ändere · der Quälltäx ändere]

  • 1640 - Äärdbävve met Epizentrum en de Jäjend öm Düren. Wie stärk et woor, wees me net. Kleenere Schäde aan Hüüser in Düren un Kölle.
  • 1755 - Kleene Äärdstüss in dä Jägend öm Ooche
  • 18. Februar 1756 - Bes dohmols et vermutlich stärkste Äärdbävve en Meddeleuropa met_e_ner Stärk von 8 op d'r Mercalliskala. Et Epizentrum looch beij Düren, zwei Duude un veel zesammejefallene Hüüser. In Ooche kippten över 300, in Kölle över 100 Kamine öm. E jruß Deel vun d'r Stadtmuer vun Düren un Bad Münsteeijfel feelen zesamme un woren kapott. Et Schloss Nideggen un et Kluster Wenau woren su kapott, dat me ne_mie drin wohne konnt. In Jülich feel en Kasään zesamme. Ussläufer vun dem Bävve woren bes noh London un Straßburg ze föhle. Vür kuurte Zick hätt me russjefunge, dat dat Bävve en Stärk vun 6,2 op d'r Richterskala jehatt moss hann.
  • 1878 - Bävve met Epizentrum en d'r Nöh vun Tollhausen beij Elsdorf met_e_nem Duude un paar kapotte Hüüser.
  • 1873 - Äärdbävve met Epizentrum beij Herzogenrath. Me hüürt vun Schäde aan Hüüser.
  • 1877 - Alt widder e Äärdbävve en d'r Jägend öm Herzogenrath un och widder kapotte Hüüser.
  • 14. März 1951 - E Äärdbävve vun dä Stärk 5,2 op de Richterskala en der Jägend beij Üüskiche määt Millioneschäde; 11 Persone wutten verletz.
  • 1971 - Bävve beij Rurmond dat en Stärk vun 4,7 op d'r Richterskala jehatt hätt.
  • 1982 - Bävve met Epizentrum beij Waldfeucht met 3,2 op d'r Richterskala.
  • 1984 Aanfang Februar - Bävve en d'r Jägend öm Lüttich jäjen 1:00 Uhr Naax met_e_ner Stärk vun 5,1 op d'r Richterskala. Dat Bävve kounnt am Rhing noch wohrjenomme wääde.
  • 13. April 1992 - In de Naach vun Palemsundaach op Karmondaach konnten de Minsche em Rheinland keene Schlof finge. Öm 3:20 Uhr joff et drusse ne janz unhejmlische Knall un donoh fung de Äärd langsam aan ze zeddere, bes me regelrecht durchgeschoddelt wuurd un et letzte Stöndsche jekomme sen sooch. Dat wor et Bävve vun Rurmond (Roermond) en de Provinz Limburg vun Holland met_e_ner Stärk vun 5,9 op d'r Richterskala. Et Epizentrum looch 18 km deef beij Heinzbersch södwesslich vun Rurmond. Dat Bävve wor su stärk, dat me_et noch en Berlin, München un London föhle kounnt. Et wor et stärkste Bävve zick 1756, mie als 30 Persone wutte verletz, un de mieste hatten ne Schreck en de Knoche dä me net beschriewe kann. En Kölle feelen ahle Jivvele op de Autos, un am Kölner Dom durchschloch en schwere Kreuzbloom et Daach un feel medden en et Kirchescheff. Dä jesampte Schade beleef sich dohmols op ca. 300 Mellione Deutsche Mark, unjefähr 150 Mellione Euro.
  • 22. Juli 2002 - Öm 7:41 kom_et zo_e_nem Bävve met dä Stärk 5,0 en Alsdorf en de Nöh vun Ooche 14,4 km unger de Äärd. Verglesche zom Bävve vun 1992 wor_et harmlos, un hätt nur kleenere Schäde jemaat.
  • 23. Meij 2004 — En Serije von Bäve unger Plaidt, et dollste öm 5:19 hädd_en Stärk vun 3,8 op d'r Richterskala.
  • 3. Aujuß 2007 — En Aanzahl Bäve beij un unger däm Oot Plaidt, et dollste öm 2:58 hädd_en Stärk vun 3,9 op d'r Richterskala.


Wäbbsigge[Ändere · der Quälltäx ändere]