Troisdorf

Uß de Wikipedia

Dä Lemma-Titel he es en de amplische Schrievwies.


Wappe Kaat
Da Stadt Troisdorf ihr Wappe
Hee litt Trooßdorf!
Övverseesh
Bundesland: Noordrhing-Wääßfaale
Rijierungsbezörk: Kölle
Landkreijs: Rhing-Siesh-Kreijs
Wie jrooß iss dat? 62,17 km²
Wi vill Lück wohne da? 76.826 (Juuni 2010)
Lück pro Kwadraatmeter: 1226 Minsche pro km²
Wie huh lisht dat? 55 m ü. NN
Postleitzahle: 53840, 53842, 53844
Telefonvüürwahle: 02241, 02203, 02246, 0228
Wo iss dat jenau? 50 49' n. Br., 7 9' ö. L.
Autokennzeijshe: SU
Jemeijndeschlüssel: 05 3 82 068
Veedel: 12 Veedel
Adräss vunn dä Stadtverwaltung: Kölner Str.176
53840 Troisdorf
Offizzjelle Websigk: www.troisdorf.de
E-Mail-Adräßß: pressestelle@troisdorf.de
Politik
Bürjermeijßter: Alexander Biber CDU

Troisdorf is de grüüßte Stadt im Rhing-Siesh-Kreijß un litt öößlich vunn Bonn unn Kölle. Me fingk et im Südooßte vunn dä Kölsche Bucht unn nördlich vumm Wääßterwaald. Zur Zick leeve 76.596 Eijnwohner (31.12.2005) in dem Industriestädtje em Grööne, su wie die Trooßdorfer ihr Städtje selever nenne.

Trooßdoorf hätt zwöllef Stadtdeel, die sich opp en Fläch von 62,17 km² verdeele.

Die Veedel heeßen:[Ändere · der Quälltäx ändere]

  • Trooßdoorf
  • Trooßdoorf Wess

Dat Veedel witt och ruude Kolonie jenannt. Dat litt an dä Daachziejele, die he all en Ruud jehalle sinn. Trooßdoorf Wess ees eener dä jüngste Veedel vun Trooßdoorf. Et wudd iirz em Oktoober 1999 noh de Kommunalwahl vum neue Shtadtrat jejründ. Früher dät dat Jebiet deelwies zo Overloor un zo Trooßdoorf jehüüre.

  • Aleroth

Aleroth hätt en bewäächte Jeschisch hinger sich. Et wor nämlich en janze Zick lang jaanitt bewunnt, weil de Soldate em zweite Weltkreech Platz brooten, öm ze üübe. Dat däten die en de Wahner Heed un en Aleroth. Dat Dörfje wud äver noh'm Kreech widder besiedelt. Av 1969 jehüürt Aleroth zo Trooßdoorf. Dofüür dät et bei Luhmer jehüüre. Die Eenwunner vun Aleroth werde Sandhase jenannt.

  • Sieshloor

De Eenwunner vun Sieshloor werde Ööchs jenannt.

  • Overloor
  • Friedrich-Wilhelms-Hött (kurz de Hött)

De Hött ees öm 1900 als Arbeedersiedlung vum nohjeläjene Stohlwerk jejründ wudde. Dat Werk heeß hückzedaach Klöckner Mannstaedt Werke. Die Arbeeder komen us Kölle, uß Kallek. De Hött witt och de Schwaaze Kolonie jenannt. Dat hänk met dä Daachziejele zesamme. Die sinn nämlich doorchweg schwaaz. Bes 1969 dät de Hött bei dat Amp Mengde jehüüre.

  • Spich

De Eenwunner vun Spich werde Bleimöps jenannt.

  • Kreesdorf

De Eenwunner vun Kreesdorf werde Lehmträtscher jenannt.

  • De Rotter See
  • Eischem
  • Müllekove

De Eenwunner vun Müllekove werde Krööh jenannt.

  • Berchem

De Eenwunner vun Berchem werde Frösch jenannt.

Die letzte drei jehüüre zom sujenannte Balkan, zo dämm och Mondorp un Nidderkassel zälle.

Wat ees he alles passeert ?[Ändere · der Quälltäx ändere]

Trooßdoorf wudd et irtzte Mol eem Joor 1075 en_ener Uurkund vun de Benedektiner Mönche us'em Kluuster in Siebursh erwähnt. Äller sin nur die Veedel Eischem un Sieshloor. Die zwei wutten ad 832 urkundlich erwäähnt.

Em 19. Joorhundert hät dann de Industrie Einzoch jehalle en Trooßdoorf. 1815 hann se en Spich en Alaunhütt in Betrieb jenomme un 1816 ees en Jlockejeesserei in Sieshloor in Betrieb jejange. 1825 wudd met dämm Bau vun de Friedrich Willhelms Hütt aanjefange. Dat wor zeiirzt nur ene Huuhovve. Bees hück ees doruss de Mannstaedt-Werke jewudde, die weltweit bekannt sinn für ihr jewalzte Iiseprofile. 1887 ees met dämm Bau vun_ener Zündhööttchefabrik aanjefange wudde. Dorus hätt sich bees en uns Daach de Dynamit Nobel AG entwickelt. Am 1. April 1899 wudd Trooßdoorf zo ener eejene Bürjermeisterei.

Em 20. Joorhundert hätt sich Trooßdoorf doorch die Wirre vum eezte Weltkreech|1. und 2. Weltkreech kämpfe mösse. Am schlimmste mooten die Alerödder dorunger ligge, denn av 1938 wudd dä Truppeübungsplatz en de Wahner Heed usjeweitet, un so hatten se ihr Dörfje zo verlosse. Iirz 1945 noh'm Kreech kunnt de Oocht wedder besiedelt werde. Äver en de zweite Hälefte vum 20. Joorhundert jing et dann steil berchop. Ab 1952 darf sich Trooßdoorf janz amplich Stadt nenne. Un noh der kommunalen Neuoordnung vum 1. Aujuss 1969 hätt Trooßdoorf die Ausmaaße, die et och hück noch hätt. Neven Aleroth un de Friedrich Wilhelms Hütt komen die Bürjermeisterei Sieshloor un sing Oochte zom Stadtjebiet dozoo.

Wat kamme sich hee aangucke ?[Ändere · der Quälltäx ändere]

Sehenswürdichkeite en Trooßdoorf sinn unger anderem:

  • Et Bilderboochmuseum
  • De Bursch Wissem
  • Et Berchemer Fahr
  • Et Fischereimuseum

Wer ees hee jeboore wudde ?[Ändere · der Quälltäx ändere]

  • Gerhard Romilian von Kalcheim, gen. Leuchtmar (* 5. Dezemmber 1589 in Spich ; † 18. Oktoober 1644 Berlin) wor ene deutsche Juriss un Diplomat.
  • Wilhelm Hamacher (* 11. Oktoober 1883; † 21. Juuli 1951 en Bonn) Politiker vun de (Zentrumspartei), MdB, Vertreter vum Rhingland em Reichsroot, Kultusminister von Nordrhing-Wessfale, Parteivürsitzender.
  • Paul Schäfer (* 4. Dezemmber 1921), wor ene Sektenjründer und Jründer un Herrscher von dä „Colonia Dignidad“ en Chile.
  • Uwe Göllner (* 14. Febrowaa 1945), Bundesdaachsavjeordneter vun de SPD vum 12. Febrowaa 1996 bis 18. Sepptämmber 2005 und ehemaliger (iihrenamplischer) Bürgermeester vun Trooßdoorf (vun 1993 bis 1998)
  • Günter Assenmacher (* 3. Määz 1952 in Sieshlor) ees Offizial vum Erzbistum Kölle
  • Tom Buhrow (* 29. Sepptämmber 1958), Usslandskorrespondent vun dä ARD en Washington (D.C.) (USA)
  • Sophie Moser (* 29. Meij 1984) deutsche Jeijerin.

Lück, die wichtisch für Trooßdoorf woren oder sinn ?[Ändere · der Quälltäx ändere]

  • Emil Langen (* 24. Juuni 1824 en Solingen; † 1. Oktoober 1870 en Salzjitter); vun 1846 bes 1867 Direktor vun de Friedrichs Wilhelms Hött.
  • Rupert Neudeck (* 14. Meij 1939 en Danzig) deutscher Journalist, Jründer vum Komitee Cap Anamur / Deutsche Notärzte e.V. un Vürsetzender vum Friedenskorps Grünhelme e.V.
  • Jean Claude N'Kolde Kibala, dä eäzte Trooßdorfer, dä föör et kongolesische Parlament kandedeet hätt.

Weblinks[Ändere · der Quälltäx ändere]

 Commons: Troisdorf – Sammlung von Bilder, Filemche un Tön op Wikimedia Commons