Wikipedia:Wie weed övversatz?

Uß de Wikipedia

Wam_mer in unsere Wikipedia jet fingk, wo Do jet bei dunn mußß, weil et D´r en de Finger jöck, ävver Do bės met unsere Shproche ze shrive ned esu joot darbej?

Dat es jah kej Probleem, dann shrievß De ävens ėn ener Sprooch, die vun dä Mettmaacher he jot vershtande weed un pappß dä Boushtejn {{Üvversezze}} drahn.

E Beishpill:

Et kölsch woot "Fisternöll" kütt nit vom Döres Fies dä am De Noell Platz in dat Finster von dä Weetschaff sprung, die "dä Nöll" genannt weed, wie hä beim Fummele mit d´r kleijne Oma vom Krischelspingß erwisch wood.

Zeichen 123 - Baustelle, StVO 1992.svg Opjepaßß: Winnichßtenz ene_Deil vun dämm wat he steiht mööt övversatz weede.
 Jlich övversäzze? Jou, loß jonn! 

Dat weed dann schun einer finge un jett druß maache.

Wat för Shprooche he sönß noch esu jekallt wääde kannß De ungerhalv vun dä Sigg Medmaacher noh Shproche nohluure, wannß De bei Dinge Sprooche nohluurß, wevill Lück do enjedrare sėnn.

Denk nit, dat för jede exotische Shproch andouernd eine he vörbejloort. Versök et leever med_ener Shproch, die em Rhingland sowisu de mießte Minsche ald jot vershtonn, Deutsch, Flämisch, Platt, Limburgs, Pälzisch, English, Holländisch un esu, un wat domet verwand es.

Esu, dat woret för Lück, dij_en Övversetzung bruche, dä Ress ėß jetz för wer beim Övversezze metmaache wėll.

Wie weed Övversatz?[der Quälltäx ändere]

Wie weed övversatz? Jo, dat kütt drop aan. Et jitt en paa Saache, do sollt mer drop aade. Nit dat dat jez einer för der hillije Katteshißmuß hällt — also maat wat Ühr joot fingk — un he sin en paa Tips:

  • Wann et jeiht, maach et joot, sönß loßd et.
    Ed eß beßßer, et määt ene andere einmol, alß wie wenn dreimol, fönefmol einer e bezje jet draan versöök und mėr krije der 'Stėlle Poßß'-Effek.
  • Beim Övversezze vun Dütsch, loort op di Wööt, die mer 'esu versteiht' — E Bejshpill:
    • die Verschrottung“ eß bei Uns et Verschrotte, un „die Abwrackung“ (Deutsch) jitt et selv do ja nit, et hejß övverall et Ab- odo Affwracke, vun der Waterkant över et Schwäbishe Meer beß no_m Neusiedler See.
  • Im Judentum, im Christentum“ ⇒ bëi de Jüdde, bëi de Kreßte
  • Mer sin jet lebendijer wie dat stieve Deutsch.
    Also maat Üch nix druß un bout de Säz_öm, doamedt_mer weiß wä wat deit un säät. Süch och enß de Sigk aan: Wie schrieve mir?
    • Es wurde die Beseitigung der Allebäume vorgeschlagen, …“ ⇒ Dä schwazze Baaß em Root, Jecken Dolls Schoppen, wullt de Böüm lahnß de Shtroß eez affhakke lohße, …
  • Mer sin kein Bėampte.
    Also wenn Üch einer med_dä „Vertiefung werkspezifischer Originalititätseigenschaften postmodernistischer Traumabewältigungsstrategien in der radikalklerikalsakralen Baukunstdebatte bundesrepublikanischer Verwaltungshochschullehrerkader in der weiteren jurisdikiven Verwaltungsbeamtenrechtsfortbildung des gehobenen Dienstes der Länder“ kütt, dat mußß_mer eetß enß vershtonn. Wer_d vershteiht, dä kann dat och ėn uns Shproch ömsetze. Nohbedde is Quatsch, dat vershteiht dann ez rääch kei_Minsch mieh.
    • Die fortschreitende Verbeamtung der Lehrer ist allgemein evident“ ⇒ Immer mieh Lärer sen Biampte jewohde, dat es jedem kloh.
    • Ävver „Jundsatzfraren der Verwaltungsstruktur“, dat muß nit mieh ömjesatz weede, dat es schunn Kölsch. ;-)

Wat bruch en Övversäzzung?[der Quälltäx ändere]

Wat litt aan? Saachjrupp:Wikipedia:Noch draan Övversëzze ov Special:Whatlinkshere/Template:üvversezze säät Der dat.

Maach fädich, dat dä Krom fott kütt! Un dann riiß dä Zeddel {{Üvversezze}} do eruß. Dankeschön.