Versoote Anschlaach op de Haupbahnhoff von Bonn 2012
(Sigge op Bönnsch)
unn jeshrivve wii_mer_t_shprish
(mieh Sigge jeshrivve wii_mer_t_shprish)
Am 10. Dezembe Joohr 2012 ess dës Nommedaachs am Bahnsteich 1 vom Bonne Haupbahnhoff ën Täsch met ëne Bomb udder ëne Bombe-Attrapp jefunge wudde. Ob die Täsch wiërklich hätt explodeere solle, weeß me net jenau, miestendeels wiërd ävve en de Mediën vom versoote Bombe-Anschlaach op de Bonne Haupbahnhoff jesproche. De Generalbundesanwalt hät wäje Terrorverdaach de Fall övvenomme.
Wat me zeirsch erusjekräje hät
[Ändere · der Quälltäx ändere]
Een Woch donoh hät de Bönnsche Jenneral-Anzeeje de foljende Informatione övve de Bomb jejovve.[1]
Donoh wuerdt zeirsch em McDonald's am Bahnhoff ëne wieße Mann met Vollbaat von ëne Övvewaachungskammera jefilëmp, dä övve de Scholde dat Spoottäschje drooch, wo me hingehär die Bomb dren jefungen hät. Kuert späde wuerdt dat Täschje von ënem schwatze Mann an ëne Sitzbank affjestallt. Zwei Jonge hann et dann opjemat on do Dräht dren jefunge. Noh manche Informatione kom dat, wäll dä Mann et Täschje bem Affstelle opjemat hatt on die zwei dobei die Dräht dodren sore. Op jede Fall hann se dat dann an et Pääsonal jemeld, wodrop de Haupbahnhoff op de Stell evakwiert wuerdt.
Noh de Sperrung kome Bombe-Spezialisten eraan, die zeirsch ëns natüerlich de Bomb onschädlich maache sollte. Dozo hann die, wie 't dobei üblich ess, met ënem sujenannte Wassejewähr op die Täsch jeschosse. Dat ess ävve kee Spillzüch för Pänz, sondern do wiërd Wasser ësu haad erusjeschosse, dat me domet feste Matriale dorchbreche kann. Dat deent dofür, dat dä Bomb ehre Mechanismus op de Stell kapott jemat wiërd, sudat nix mieh passeere kann. Dä Nohdeel ess ävve, dat die Deelche von de Bomb donoh övveall eröm dorjeneenlore. Dat mät natüerlich et Opkläre von dem Fall schwähre.
Noch e Problem ess, dat de Deutsche Bahn de Bonne Bahnhoff net met Video övvewaach hät. Doröm hät me keen Belde vom Bahnsteich, sondern nur welche us'm McDonald's on vom Plaaz vür ëm Bahnhoff. Wie sech erusjestallt hät, wuerdte nur die Bahnhöff von "jrooße Metropole" övvewaach on do hät Bonn net met beijehuurt. Späde hät de Deutsche Bahn ävve äklärt, dat se och en kleenere Städt jetz Övvewaachung enführe wollt.
Bess op hügg ess net klor, ob die Bomb ënen Zünde hatt udde nur als Attrapp jedaach wor. Zeirsch dät et heeße, et wör keene Zünde dren; dann: et wör doch eene do jewäs, dä me nur net jefunge hätt; on hingehär widde: wohrscheinlich doch net. Wäje dä jrooße Szeen von Salafiste en Bonn on wäll me dä schwatze Verdächtije als ëne somaleschen Islamiss identefezeert hät, wiërd alljemeen dovon usjejange, dat hinge dä Aktion raddekale Moslems stecke. Jetz ess ävve dat och ni' mieh als siche aanjesinn. Zeirsch wuerdte och zwei Islamiste fassjenomme, die me ävve hät mösse loofe loße.
Wat späde noch bekannt wuerdt
[Ändere · der Quälltäx ändere]Am 11. Jannowar wuerdt jemeld, dat me en däm verdächtije Spoottäschjen e Hor jefunge hatt, dat ënem Europäe udde Nood-Amerekane jehüüre dät. Noh dä iërschte Ungesuchung kunnt me dovon usjon, dat et blond jefärv wor. Ob me domet ën DNA-Analys maache kann, bleev ävve onklor.[2]
Eene Moond noh däm versoote Anschlaach dät et schinge, dat de Pollezei em Donklen erömdapp. De Generalbundesanwalt wollt noch ëns ën neu Fahndung en Jang brenge. Wann dann nix erusköm, dät e de Fall noh Bonn zeröggjäve.