Teje

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Fijur va Teje em äjüptische Museum ä Berlin

Teje (* 1398 v. Chr.; † 1338 v. Chr.) woch d Vrau va Faraoh Amenophis III. Hör Äldere wore Juja un Tuja. S hod 6 Kenger, 4 Dööhtisch un 2 Jonge, doronger Echnaton, däm s zo sing Positiun als Faraoh vorholp. En di Zitt als Amenophis III. krank woch, troff s völl Entscheedungen, di sonst dr Faraoh träffe mööd un noom domet Äfloss op d Politik van öt Land.

Wi Teje Könnigin wood.[Ändere · der Quälltäx ändere]

Teje spelld ön jruuße Roll en d Politik van hör Land Äjüpte. Domet es di Zitt jemend, als Theben Hauptstadt woch, ävver och d Zitt va Amarna. Teje wood als Doohter van önö Beamte en d Provinz jeboore un steech zo ön Vrau met d meetzde Macht em Land als Könnijin un Vrau van dr Faraoh Amenophis III. op. Dobeij hod Teje noch Vlupp, denn normalerwiiß läd sisch önö Faraoh net met ö kleng Mädche vam Land enn. Dat dat passeerde, sprechd ävver dovör, dat di zwei sisch leev hodde.

Amenophis III. un Teje hiirode[Ändere · der Quälltäx ändere]

D Huchzitt tösche Amenophis III. un Teje woch dat Ereichnis schlääthen. Övverall wood dova jesproche. D Wesseschaftler vonge em janze Land vordeelde Skarabäus-Käfere, di op d Röcksiij d Naame van di zwei droore. Di Käfere wore och ä anger Länder vorschenkd, vordeeld övv vorkoovd woode.

Us d Hiirod stamme winnichstens 6 Kenger, 2 Sööhn un 4 Dööhtisch. Manche Lüüh vormute, dat mö noch ön Doohter Baket-Aton zosätzlich zälle kütt. Ävver dat es net sescher.

Teje en d Politik[Ändere · der Quälltäx ändere]

Teje spelld ön besongisch Roll och en d Politik. Dozo jehood, dat s sisch z. B. met anger huch Hääre en d Nobberländer schreev. Jevonge woode och Fijure, beij dönö Teje als Jöttin dojestalld wood. Ävver net mä Fijürcher woode jevonge, öt jitt och Breefe va önö Könnig, dä schriivd, dat hä ö joo Vorhältnis z Echnaton un sing Vrau Teje hod. Dat ön Vrau övverhaupt en sun Breefe erwähnd weed, koom bes dohen sälde vöör.

Völl Äjüptoloje saare, dat d Roll va Teje jrüüßer woch als vormuud weed. S jönd sujar suwitt, dat s saare, en d ischde Joohre höd Teje an di Stell va Echnaton, dä dat zo di Zitt noch jarnet jekonnd hod, rejiird.

Hörö Duud[Ändere · der Quälltäx ändere]

D Wesseschaff nämmt a, dat Echnaton sing Mamm no hörö Duud ä si Könnigsjraav beij Amarna had brenge losse. Als Echnaton dann sälvs storv un spiir en öt Jraav 55 ömjebätt wood, moss di Lisch va sing Mamm och metjenomme woode se. Höre joldene Särg wood do jevonge. Ävver do bleed s net, dänn di Mumisch, di do jevonge wood, woch van önö Mann un net van ön Vrau. Va do us jäng öt en öt Jraav va hörö Mann, Amenophis III. D Äjüptoloje vormute, dat Tejes Lisch, di van di ald Vrau em Jraav 35 es.

Websiij[Ändere · der Quälltäx ändere]