Striptease

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Striptease op ön Büühn

Onger Striptease vorstehd mo d Konst sich op ön erotisch Aar tun Wiiß uszöträcke. Döck läuvd dat ä Nachtklups aav.

Woröm et beij Striptease jeeht[Ändere · der Quälltäx ändere]

D Konst van dr Striptease es öt, net flott d Kleer uszöträcke. Däjennije, dä beij dr Striptease zokikkd, dä soll jespannd zokikke, mi aahne als hä em Momang sitt, kotte Momente jätt z see jlööve un doch op mi waade. Döck wäde Bänder, Schals övv anger Kleerstöcker jebrudd, öm di Spannugn op z bouwe. Jeschichte wäde van d Stripper övv Stripperinne op ön Büühn opjevührd. Dobeij spelle d Jedanke va di persun, di sich dat akikkd mä doröm, watt em näkßde Momang z see se weed. Spannung, önö nakßde Liiv see z wäde, weed opjebouwd un jehalde. Di Persun, di d Roll van önö Zoschauer vöör d Büühn änemmt, bliid beim Striptease usse vöör. En d leitzde Joohre wood dat jätt angisch. Döck wäde Lüüh op d Büühn jeroffe, öm beij öt Ustrecke z helpe övv us d Nöhde zo z kikke.

Jätt va vreuer[Ändere · der Quälltäx ändere]

Dr jenaue Aavang vam Striptease es net bekannd. Öt weed ä au Bösch ävver döck dova jesproche, dat dr erotische Danz va Salome, d Dohter va Herodias, dr ische Striptease woch. So söll vöör Herodes Antipas d Hülle ha valle losse, damet d Jödder jnädich wore. Jesechert es dat ävver net.

D Stripperin Vivian Schmitt (vöörö) beij önö Optrett als Stripperin met Jenna Jane (hänge)

Em Joohr 1868 troone lydia Thompson un d British Blondes ä lang Röck op un zeechde, watt sönß net möjelich woch, d Bee. Am 13. Määz 1894 wood em Divan Fayounau- Theater ä Paris dr ischde Striptease jedanzd. D Stripperin mood dovöör ön Stroof bezahle.

Va 1905 a wood d Dänzerin mata Hari dörch hörö Striptease bekannd. Beij d ischde Optrette woch dat ävver noch vöör kleen Jruppe va Lüüh un net op Bühne.

Em Berlin van d 20er Joohre wood Anita Berber dörch hörö Striptease bekannd. Nackt dojeboohne Ussdrocktänz maade öt Volk vöör d Büühn döck ösu jäck, da töt zo Tumulte koom.

No dr Zweide Weltkresch wood dr Striptease, dä damols noch „Schünnheetsdanz“ hosch dörch d Sex-Industrie jelengkd. Sujenannde Nightclubs maade ä Berlin un ä Paris op. Naame wie öt Crasy Horse woode bekannd.

Jätt z lääse[Ändere · der Quälltäx ändere]