Stadtbrand va Oche

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Dr Stadtbrand va Oche

Dr Stadtbrand va Oche woch önö Brand, beij däm am 2. Mai 1656 ä mä 24 Stond sövve Achdel va Oche aavjebrannd woch.

Watt paßeerd woch[Ändere · der Quälltäx ändere]

Em Backes va Peter Maw en d Jakobsstrooß broch dat Vühr us. Dä hod Holzkohle op dr Söller liije losse, di noch jlimmde. Dat Holz van öt Dach vong a z brenne, un dörch dä Wengk rassde dat Vühr va Huuß zo Huuß. Bo janz Oche bestäng us Holzhüüser, su dat d Flamme nüüß ophalde kutt. Zö iisch brannt d Jäjend, ä dör hüü d TH z vänge es. Als dr Wengk driihnde, brannte och d Hüüser em Norde van d Stadt.

Ö Holzhuuß, wi öt damols ä Oche stäng

Als vorzalld wood, dat dat Vühr jelaad woode woch, trocke Lüüh met Waffe dörch d schwamende Veedele. Dat vührde dozo, dat di Mänsche, di hödde lösche könne, us d Stadt leefe un hön Hüüser opjovve. Dörch dat Vühr storve 17 Mänsche, 4600 va 5300 Hüüser vorbrannde. Van öt Rothuuß suwie 20 Kerche, Spitale un Klüster bleed nüüß mi. Bes op di Akte, di en önö Stolle vorstoche wore, vorbrannd alles, watt övver d Stadt Usskonft jävve kutt. Önö jruuße Deel van d Lävensmeddele vorbrannd, su dat d Övverlävende nüüß z keue hodde. Hölp koom us öt holländische Maastricht suwi us d beljische Stadt Lüttich, di Warele völl Kiiß schegde. Us Kölle wood Rogge rajekaard. Damet öt met Oche wärm berjop jäng, dorfe sich di Öcher Holz en dr Bösch van d Stadt houwe un domet hön Hüüser wärm opbouwe. Sälvs Papst Alexander VII. scheckde Jeld no Oche. Hä hod vreuer öns ön kotte Zitt en d Stadt jeläävd.

Jätt z lääse[Ändere · der Quälltäx ändere]