Ovverkerch va Bad Frankenhausen

Uß de Wikipedia
Zur Navigation springen Zur Suche springen
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Ovverkerch va Bad Frankenhausen

D Ovverkerch va Bad Frankenhausen, di och dr Naam Kirche Unserer Lieben Frau am Berge drätt, watt op Ripuaresch met Kerch va os Leev Vrau op dr Berch övversatze weed, es ön evangelische Kerch em Kyffhäuserkreis. Dä 56 m huhe Turm es dr zweidscheefste Turm va Dütschland.

Jätt va vreuer[Ändere · der Quälltäx ändere]

Di Kerch wood am 25. Aprel 1382 äjeweihd. Dat Jebäude woch ö Schmockstöck met ö paar Altäch, ö spetz Dach un 4 kleen Siijetürm. Em Dütsche Buurekresch wood sö ävver kapott jemaad un völl Deeler jeklaut. Zo di Zitt woch dö Kerch ävver noch ö kattolisch Joddeshuuß. Dat ändernde sich em Joohr 1539. Em Dressischjöhrije Kresch kräät d Ovverkerch öt noch öns övver dr Sack un wood lääch jerümmd. Em Sövvejöhrije Kresch wedderholde sich dat, un 1806, als d Franzuse dörch öt Land trocke, leete sö och net van d Kerch aav, wobeij sö als Jevangenelaajer jenotzd wood.

At Ängß van öt 19. Jahrhondöt veel dä scheeve Kercheturm op, entstange dörch Usspölunge onger dat Jebäude, zm Deel ussjelößd dörch d Elisabethquell. 1911 wood vorsood, sö wärm jätt opzöreete. Dat vorschlääde di Situatiun ävver mi, als dat sö holp. 1925 wood dö Kerch jeschlooße, weil sö bouwvällich jewoode woch. Sö solld aavjeresse wäde. Beij öt Övverschlaare va d Koste zeechde sich ävver, dat öt Aavrisse van d Kerch ösu düür woch wi öt Opreete van dr Turm. Ee Joohr wood dora met Erfolch jewerkd, su dat vam 27. Juni 1937 a wärm Messe jeläse wäde kutte.

Jäje Äng van dr Zweide Weltkresch notzde d SS d Kerch als Lajer. Plünderunge van d Kerch un dat jelajert Zeuch kutt mo komm vorhindere. Völl wood kapott jemaad.

1984 wood d Kerch wärm jesperrd. Sö vonge wärm a, an d Kerch z vrassele, su dat am 12. September 1993 wärm ön Mess jeläse wäde kutt.

Öt zeechd sich, dat dä Turm ävver wärm scheever weed, un em Joohr 2012 weed övverlaad, övv d Ovverkerch va Bad Frankenhausen platt jemaad wäde söll, övv öt besser wöch, noch mi Jeld en öt Renoviere z stäche.

Jätt z lääse un z kikke[Ändere · der Quälltäx ändere]