Norderney

He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Norderney es änn van d sövve Ostfriesische Insele un jehüüd zom Kreijs Aurich. Zösätzlisch es Norderney och ön Stadt, di op d Insel litt. Norderney hat unjeväär 6200 Äwohner. Met öt Boot kütt moch va d Norddeich Mole in ön joo Stond op d Insel. D nöödste Nobberinsele send Baltrum un Juist.

Norderney es 15 Kilometer lang un an d breedste Stell 2,5 Kilometer breed.

Vöör völl Tuuriste es dr 14 Kilometer lange Sandstrand dr Jrond, op d Insel z komme. D Süden und dr Oste va Norderney jehüüre zom „Nationalpark Niedersächsisches Wattenmeer“.

Wie Norderney entstäng

Norderney entstäng isch em 16. Jahrhondöt. Öt weed ajenomme, dat em Joohr 1362 d Insel Buise, di an di Stell looch, bei ön Flut ussöree broch. Ee Deel, d Insel Buise, wood immer kleener un löösde sich irjendwann janz op. Zo d selbe Zitt wochs dä zweide Deel Insel, die spiier Norderney wood. 1550 tauchte dr Naam öt ischte Moll als „Norder neye Oog“ än d Bösch op.

Am Aavang läävde d Lüü op d Insel van öt Vange va Vesche, spiier koom d Scheffvaart dozo. Hüü kütt önö Hoof Jeld durch d Tuuriste op d Insel. At 1797 wood Norderney ö Heilbad un va 1946 a es Norderney och ön eeje Stadt.

Wä op d Insel well

Wä mät öt Auto op d Insel vaare well, dä ka dat do, moss öt ävver op Parkplätz aafstelle. Völl Deele van d Insel dörfe mä z Voss betroone wääde. Selvs Vaahrrähr send vorboohne. Heezo jehüüre d Naturschutzjebiite op d Ostsii. Wä jenoch Knöpp hat, da kann och met dr Fliejer op Norderney lande. D Landebahn es 1000 Meter lang.

Jott z wesse

Op Norderney jitt öt d „Badeziidung“. Dat es d kleenste sälvständije Ziidung va Dütschland. Öt jitt och önö eeje Radiosender, dä Radio SWS (Sturmwellesende) heecht.

Jätt z lääse

Oßfriesėsche Ėnsele un Plaate

Borkum · Lütje Hörn · Kachelotplate · Memmert · Juist · Norderney · Baltrum · Langeoog · Spiekeroog · Wangerooge · Minsener Oog · Mellum