Max Linder

Uß de Wikipedia
Zur Navigation springen Zur Suche springen
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Max Linder ä Seven Years Bad Luck

Max Linder (met richtije Naam: Gabriel-Maximilien Leuvielle; * 16. Dezember 1883 ä Caverne beij Saint-Loubès; † 31. Oktober 1925 ä Paris) woch önö Schauspeller us Frankreich un enne van d ischde, di dörch dr Film bekannd wode send. D Lüüh kannte häm mä met Zülinder, Händschö un em joo Anzoch. D Vraue van d 20er Joohre wore jäck op häm.

Si Lääve[Ändere · der Quälltäx ändere]

Nodäm Max als vönfjöhrich Kengk d Cholera övverläävd hod, spelld hä at vrösch Theatr. Sälvs en d Schüllzitt övvernomm hä at kleng Rolle. 1904 stäng hä öt ischde Mol ä Paris op d Büühn. 1905 wood sing ischde Filmroll aavjedriihnd. Hä werkde do nävvebeij vöör Pathé Frères.

En d ischde Zitt joov mo häm mä Nävverolle. Dat ändernde sisch, als hä sisch önö Zülinder opsatz un di Roll „Max Linder“ entstäng. Domet entstäng ön Persun, di sich och övver d Jrenze vorkoofe leet. Ä Paris maade sujar ö Kino op, dat singe Naam drooch. Va 1911 a driihnde hä sing eeje Filme. 1915, dat heechd en d Zitt van dr Ischde Weltkresch, leed d Vreud a sing Filme no. Hä sälvs trock en dr Kresch un wood dörch Jaaß vorletzt. Hä vorsood ä Hollywood önö Voss en d Döör z kriije, watt ävver net fluppde. Zöröck no Paris entscheed hä sisch bald, wärm no Amerika zöröck z joo un maade met „Max Linder Inc.“ ön eeje Produktiunsfirma op. Joo un bekannde Filme wi „Be My Wife“, wat op Ripuaresch met „Seij ming Vrau“ övversatze weed, entstonge.

1923 hiirode hä Jane Peters un wood dr Papp van ön Doohter. Opjrond van ön Nervekrankheed braad hä sisch un sing Famelisch am 31. Oktober 1925 en ö Hotel ä Paris öm.

Weblinks[Ändere · der Quälltäx ändere]