Marco Weiss

Uß de Wikipedia
Hee di Sigg_is_op Kölsch
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)

Marco Weiss, jeboore am 28. Fäbroa 1990, Sonn fun enem Juriß un ene Bewährungshelferin, es in Uelze bei Hannober opjewahße. Hä wohr 2007, unger em Merkels Angela, en de Nöhde fun Antalya en de Törkei en de Fehrie, zosamme met sine Elldere. Am enem Ovend wohr hä en de Disko. Do hät hä, su saat hä, nur e Zejsche setze welle för en Verschtändiung zwesche der Völker: hä häd e Mädsche jetrof, fungk em lekker un hät jät medder jenuutsch. Hä woch 17 un dat Denge saat, et wöhr 15. Et wohr met singe Mam uß Börminghämm en England, do och up Ferije do. Wi dat dämm sing Mam spetz kräät, dat di zwei am fisternölle jewäse woohre, do schrau se "Verjewaltijung, mih Kind es eetz drücksehn!“ un de Pullizei kohm, un hät dä Wieß Marco verhaff. Dat Mädsche sat zwa eets, hä hätt em nix jedonn, ävver dat däät nit hellfe, se hann em fürseschshalver nit jejlööv. Hä moot för Johr in et Jevängnis en de Blech un de Törke däte der Fall esu lang ungersöke un hin un her maache met Jereesch, Jodachter, Dollmätschere, un wat nicht söns all. Et joov e jruß Jeschrei un Thiater en der Medije. Dä Spiegel braht en Titelstory. Jedes mohl ene Knubbel Repochter aan de Dörre, wan et widder för et Jereesch jingk, un de Aanjelääjeheit wohr deck em Fernsee en Döötschland, en de Türkei un en England. Sujaa Menester uß dreierlei Staate un et Angela Märkel han sesch öffentlesch em Fernsee dorwähje jezängk. Et Bettina Weber-Kesting hät e Leed für dä Marco jeschrevve. Dä Reeschter hädd_em dann am 14. Dezember 2007 loufe lohße[1] noch ie dat hä em Jevängnißs 18 jewoode wohr un hä kohm vrei, och wann singe Prozeß noch jaa nit jeweäse wohr. Hä hät dann jrad zopaß führ Weihnachte 2008 e Booch över sing Zick en d Törkei jeschrevve, wat aam 28. Novämber 2008 op der Maat kohm.

Quelle[Ändere · der Quälltäx ändere]

  1. http://www.freiheit-fuer-marco.de/

För noh ze Lässe[Ändere · der Quälltäx ändere]

Websigge[Ändere · der Quälltäx ändere]