Kumede (Thiater)
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)
De Kumede es e kölsch Thiater en Kölle. Aanjefange met däm Thiaterspille han se 1947. Dat woren domols ärm Zigge, wo vill Lück de Muul mem Hölzje opstippe däte. För die Hungerligger wor'et wichtig, dat se och ens laache kunnte. Doför han se de Kumede jejründt. Zickdäm jitt et jedes Johr e neu Stöck. Aanjefange mem Spille weed mieschtens em Oktober. Vun do aan jit et 24 Vörstellunge bes ein Woch vör Rusemondag un en jede Vörstellung kumme beinöks 500 Lück. Esu öm die 20 Thiaterlück vum Heimatverein Alt-Köln zeije allemolde en dr Aula vum Berufskolleg Perlengraben ene löstije Schwank.
Verein
[Ändere · der Quälltäx ändere]Die Veraanstaltung weed orjaniseet vum Heimatverein Alt-Köln e. V. - Verein zur Pflege kölnischer Geschichte, Sprache und Eigenart, gegründet 1902.
Thiaterlück
[Ändere · der Quälltäx ändere]Dat sin die Lück, die em Momang en der Kumede sin:
| Jens Börner | hä frößelt der Ton un et Leech zoräch |
| Gerd Bremer | spillt met |
| Nadine-Yvette Büttgenbach | spillt met |
| Friederike Döhring | spillt met, säht och allt ens vör, kömmert sich öm de Requisite |
| Helmut Heinz | spillt met un sorg doför dat bei der Vörstellung alles klapp |
| Nina Henrichs | spillt met |
| Hermann Hertling | der Baas vun däm janze Schmölzje, schriev Stöcke, hät av un aan et Rejalt un spillt och met |
| Käthe Hertling | spillt met |
| Ilse Jäger | säht vör ävver spillt och av un aan met |
| Liesel Kreutz | setz em Kaste un säht vör |
| Anneliese Mann-Heinrichs | spillt met un krönselt de Dekoratione op der Bühn zosamme |
| Gaby Metternich | spillt met |
| Willi Reisdorf | kömmert sich öm et Jeld, schriev Stöcke, hät av un aan et Rejalt un spillt och met |
| Ulla Reusteck | spillt met un hilf av un aan beim Rejalt us |
| Manfred Schmitt | spillt met |
| Waltraud Schmitt | schleit sich met de Entrettskaate eröm |
| Wolfgang Semrau | schriev Stöcke, hät av un aan et Rejalt un spillt och met |
| Elfi Steickmann | spillt met |
| Sascha Thiel | spillt met und hilf och dobei, de Möbele op der Bühn jrad zo röcke |
| Britta Zimmer-Dröge | spillt met |
Wat han se jespillt?
[Ändere · der Quälltäx ändere]| Em Joohr 2003: „Schläch höre kann hä jot“ |
| Em Joohr 2004: „Ottekolong vum Aldermaat“ |
| Em Joohr 2005: „Papeer ess (un-)jedöldich“ |
| Em Joohr 2006: „En schön Üverraschung“ |
| Em Joohr 2007: „Dä Filou“ |
| Em Joohr 2008: „Familijefess“ |
| Em Joohr 2009: „Klunker, Flüh un kölsche Klüngel“ |
Websigge
[Ändere · der Quälltäx ändere]- Övver dat Thijater (op dütsch)