Kölsch (Bier)

Dä Lemma-Titel he es op Kölsch buchstabeet nohm Wrede.

Hee di Sigg_is_op Kölsch
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)

E fresh jedsapp Kölsch

Ene Kranz Kölsch

Kölsch en Fläsche

Kölsch eß en bovvejärrisch Bier, blank jefiltert, kräfftisj jääl un hell. Et hädd enne wiiese Schoum un enne feijne, e kleij beßßje härrbe Jeschmagk. Mer dringg et uß Shtange. Bier Kännno saare, et wöö flößßijjer em Jeschmag qui Pils un däät nit „esu fättish“ schmäkke, nuur eijn Zoot, dat Jaffel wöör nit jannds esu dorrsh jejoore un hädd esu enne kleijne „fättijje“ Aanklang, dä fun de sööße Aandeijle em Hoppe köhm. Et jidd e paa Dozend Kölsch Zoote un Brouereije. Wi övverall hät do och noh m Äng fum zwannzishßte Joohonndot zoo, et Brouereije Stėrrve zoojeschlaare, unn et woote ättlijje Kölsch Brouereije opjejovve oddo zoojemaat un zosammejelaat.

Jebroudt weed Kölsch bloos en Kölle un em Ömlandt. Doför dat „Kölsch“ enne fun de EG un jeds EU jeschözde Bejreff för n Heerkunnf eß, do hann sesh de Kölsch Brouereije schleeßlijj en de 1980 er Joohre jeeijnish. Noh feezish Jooh Jeklüngel un Zängkereije, wo se t nit henkrääje hann.

Lügk, di et weßße mößße, saare: „Kölsch kam mer äßße, un drenke.“ Jemeindt eß dat Kölsch esu naahavv eß, dat mer jannß oohne fäßßte Naarung ußkumme kann, wäm mer jenooch Kölsch zo sesh nimmp.

Süsch och

• Kölschmarke — en Lėßß

Uss em Bööscher Schaaf

• Franz Mathar]] (Tëx), Karl-Heinz Schrörs (Belldscher): „Die Kölsch-Story“. Eine bebilderte Geschichte des kölschen Brauwesens. 1. Opplaach, 200 Sigge. Emons, Kölle, 2003. ISBN 3897053128  (op deutsch)
• Detlef Rick, Janus Fröhlich: „Kölsch-Kultur“. 192 Sigge. Emons, Kölle, 2005. ISBN 3897053772  (op deutsch)

Websigge

• http://www.stump.info/koelsch/marken.htm he hät dä Archim Stump Kölsch-Marke jesammd, un woh di wann fun wämm jebrout woode sinn. Intreßßandt, su n hißtoorishe Leßß.
• De „Kölsch Konvenzjoon“ fun 1986 fun de Brouereije (op deutsch)
• http://www.koelsch-net.de Övver et kölsche Bier (op deutsch)

Mieh Aatikkel üvver Esse & Drinke fingste op dä Pooz:Esse & Drinke