Johannes Kepler

Uß de Wikipedia
Hee di Sigg_is_op Kölsch
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)
Johannes Kepler 1610

Johannes Kepler wohr enne Weßßeschafflo. Hä hät fum 27. Detßämber 1571 beß aam 15. Novämber 1630 jelääf, en de Houpsaach en dohmohlß Düütschland un wat hück Östrisch eß. Hä hät janß besönders bëijedraare, dat en sing Zick de Ääd em Ovendland nit mieh als_en Schief aanjesinn wohd, un de Planeete sesh nit nur en de Relitäht, söndonn och en en de Köpp fun de Minsche öm de Sonn ze driije aanfenge.

Hä wohr ene Mattemaateker, Aßtronohm, un Aßtroloore. Em Sibbezeehnte Johungert wohd de Aßtronommie ömjekrämpelt, un der Keplers Johann hät doh enne jruuße Aandeil draan jehatt. Noch hück kallt mer fun däm Kepler singe Jesäzmäßeschkäijte fun de Planeete ier Bahne, di shpääder norr_ens neu nidderjelaat woode sin, ävver opjebout sin op däm Kepler singem eije Wärrek, dä Bööcher:

  • Astronomia Nova (de neue Astronomieh), un
  • Harmonices Mundi (de Wält ier Harmonieje), un

wat he sällver op Lattein jeschrevve hatt, de Shprooch fun de Weßechaff en singe Zick. Däm Kepler sing Jesätz fun de Planetebewääjung wohr de Jrundlaach, op dä shpääder Leibnitz un Isaac Newton et alljemäijne Jesätz fun de Jravitazjuhn jefonge un opjeshtallt han.

Literatur[Ändere · Quelltext bearbeiten]

Weblinks[Ändere · Quelltext bearbeiten]