Joan Baez

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Joan Baez

Joan Baez (* 9. Januar 1941 ä Staten Island, New York / USA als Joan Chandos Báez) es ön Sängerin, di met Folk-Musik va sisch mulle maade. Besongisch en d Zitt van dr Vietnamkresch wood sö bekannd. Hörö Spetznaam woch „öt Jewesse un d Stemm van d 1960er“

Hör Lääve un d Musikk[Ändere · Quelltext bearbeiten]

Joans Papp troon us d Katolische Kerch us un wood methodistische Pastur. 1914 trock hä met sing Famelisch no New York. Öt duurde net lang un d Famelisch wood z Quäker. Opjrond va singe Beroff woch Joans Papp jezwonge, döck ömzöträcke, su dat Palo Alto, Boston, Paris, Rom un Bagdad ön Zitt lang Heemöt wood. Nodäm Joan Baez em Joohr 1956 ön Reed va Martin Luther King jehood hod, schengkde hörö Papp si Mäddche d ischde Jitta. Domet woch dr Jrondstee vöör hör Lääve met d Musikk jelaad. Dr Klang van d Musikk, di dö schwazze Marikaner spellde, hat Joans Musikkvorständnes jeprächd.

Em Joohr 1969 troon Joan Baez beij öt Woodstock-Festival op. Hörö Mann woch zo di Zitt em Kitche, su dat sö sich vöör d Rääte va Jevangene äsatz. 1973 leed sö sich va häm scheede.

Tösche 2004 un 2005 besood sö Städte en d USA. Ee Joohr spiidr, 2006, koom sö och no Dütschland un em Joohr 2008 no Ängland.

Joan Baez un d Politik[Ändere · Quelltext bearbeiten]

Joan Baez met Bob Dylan beij ön politische Demonstratiun

Usser vöör d Musikk satz sich Joan Baez vöör Randjruppe, vöör dr Vreede suwi jäje d Rassetrennung en. Dä Äfloss va Martin Luther King woch z spööre. Beij völl Demonstratiune woch Joan z vänge. Dat vührde sujar dozo, dat sö ö paar Dach en öt Jevängnis mood. Besongisch aktiv woch sö jäje dr Äsatz va US-Soldate ä Vietnam. Als sö em Joohr 1972 öm d Weihnachtszitt no Nordvietnam reiste, wood sö do dörch Bombeaajreffe van d US-Loftwaff övverraschd. Dobeij storve zwar völl Lüüh, ävver Joan passeerde nüüß. Sälvs nom Kreschäng vorjoss sö di Länder net. Su reiste sö en d 1980er Joohre no Kambodscha, öm do Lävvensmeddele z vordele. Sälvs Theme wi Prostitutiun un Homos woode va hör aajesproche.

Öm öt Joohr 2005 maade sö wärm va sich mulle, als sö jäje dr Irak-Kresch woch un dö Mamm van önö Soldat vöör öt Huuß va George W. Bush troff.

Joan Baez wood döck usjezeechned.

Jätt z lääse un z kikke[Ändere · Quelltext bearbeiten]