Gertrude Poppert

Uß de Wikipedia
Zur Navigation springen Zur Suche springen
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Gertrude Poppert (* 29. Juni 1914 ä Dortmund), jeboore als Gertrude Schönborn, vorbraad ön Zitt em Vornichtungslajer Sobibór. Hörö Naam Luka kräät sö va Alexander Petscherski, dä dr Opstand va Sobibór leide. Völl Lüüh kenne sö us dr Film Escape from Sobibor, wo hör Lääve em Lajer ävver angisch dojestalld wood, als öt ä Werklichkeet vorleef. Sö sorv am 31. Oktober 1943.

Hör Lääve[Ändere · der Quälltäx ändere]

Gertrude Schönborn wood dö Vrau va Walter Poppert un beede trocke en d 1930er Joohre no Amsterdam. Am 18. Mai 1943 braad sö önö Zochtransport en öt Lajer va Sobibór.

Gertrude werkde em Lajer 2 un hör Opjaav woch öt, op d Kning op z paaße, Walter woch Vöörarbeeder beij öt Waldkommando. Beede dorfe Kaate a Vorwandte schriive, di bes hüü erhalde send. Domet sollt dä Ädrock vormeddeld wäde, dat öt Deporteerde jott jäng.

Alexander Petscherski, dä met Leon Feldhendler dr Opstand va Sobibór plande, troff sisch met däm em Vrauelajer. Damet dat d SS övv d Trawniki-Männer net klöchtich vöörkoom, däng hä ösu, als hött hä ö Küddelche met Gertrude Poppert, önö Naam, däm hä ävver komm ussprääche kutt, su dat hä hör dr Naam Luka joov.[1]

Petscherski saad spiir, dat hä sisch ä Luka vorleevde, hör ävver us Schess, öt kütt vorroone wäde, nüüß van dä jeplande Opstand vorzalld. Önö Schlepp, däm Gertrude Alexander enne Daach vöör dr Opstand schenkde, es erhalde blevve un weed en ö Museum ussjestalld.[2]

Gertrude Poppert övverläävde dr Opstand va Sobibór net un hörö Mann wood am 31. Oktober 1943 em Lajer Sobibór ömjebraad.

Jedächtnisstätte[Ändere · der Quälltäx ändere]

Jedächtnisstätte ä Sobibór[3] suwi ä Dortmund[4] sorje dovöör, dat hör Lääve net vorjeiße weed.

Jätt z lääse[Ändere · der Quälltäx ändere]

  • Jules Schelvis: Vernichtungslager Sobibór. Unrast, Hamburg, Münster 2003, ISBN 3-89771-814-6.

Enkele Stelle[Ändere · der Quälltäx ändere]

  1. Schelvis: Vernichtungslager Sobibor. S. 151 ff.
  2. Schelvis: Vernichtungslager Sobibor. S. 184 ff.
  3. Övver d Jedächtnisstätte
  4. [1] Övver d Jedächtnisstätt ä Dortmund