Erich Hermann Bauer

Uß de Wikipedia
Zur Navigation springen Zur Suche springen
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Erich Hermann Bauer[1] (* 26. Määz 1900 ä Berlin; † 4. Februar 1980 och ä Berlin) woch önö vorurdeelde dütsche Kreschsvorbrächer, dä em Vornichtungslajer Sobibór tösche 1942 un 1943 vöör d Vorjasung van Tusende Jevangene zoständich wor. 1950 wood hä zm Duud vorurdeelt.

Si Lääve vöör dr Zweide Weltkresch[Ändere · der Quälltäx ändere]

Erich Hermann Bauer wood als Kengk van önö Astricher ä Berlin jeboore. No sing Schöllzitt vorsoot hä Driiher z wäde, ävver dr Ischde Weltkresch koom do tösche. Hä kämpfde ä Frankreich un jeroonde ä Jevangeschaff. 1923 schaffde hä öt, als LKW-Vahrer ön Ställ z vänge, wääßelde 1933 no d Tram, wo hä als Kontrollör werkde. Zo di Zitt troon hä d SA beij un wood Metjlett van d NSDAP.

Bauer em Zweide Weltkresch[Ändere · der Quälltäx ändere]

1940 werkde hä beij d Aktiun T4 met un vohr dr Jaßwarel, ä däm Kranke vorjaßd wode. No ön Zitt steechde hä zm Vorantwortliche vöör öt Vorjase op. Su vorzalld hä va sing ischde Vorjasungsaktiun: “Önö Schluch vorbong d Aavjase van öt Auto met dat Steehüssje van öt Spital. Ö paar Mänsche wode en dat Zemmer jesperrt un ich han dr Motor äjeschald. D Lüüh wore no 8 Minütte duud.“

Am Äng van d Aktiun T4 scheckde mo häm em Joohr 1942 no Lublin. No ö paar Daach wood hä en öt Vornichtungslajer Sobibór aavkommandeerd, wo hä zm Oberscharvührer ernannd wood. Hä, dä als Spetznaam Jaßmeester övv Bademeester jenannd wood, vorjaßde Tusende Jüdde un kämpfde beij dr Opstand va Sobibór jäje d Jevangene.

Züje vorzallte, dat Bauer net mä Vreud dora hod, d Jüdde met d Peitsch z schlaare un aav un zo je no sing Senn ö paar z erschösse. Hä hätzde och jäähr önö Hond, dä Barry hosch, op Mänsche, wobeij dä jruuße Stöcker Vlesch us di Persune bess. Dobeij benotzde Bauer dä Satz „Mensch, pack dr Hond!“ Op dä Satz hen laad dat Deer los un Bauer hod Spass.

Am Äng van öt Lajer wood hä z iisch no Lublin, dann no Triest vorsatze, wo hä em Rahme van d Sonderabteilung Einsatz R werkde.

Bauer no dr Zweide Weltkresch[Ändere · der Quälltäx ändere]

Als dr Zweide Weltkresch vorbeij woch, schnappde d Amerikaner dä ä Kärnten vorstoche Mann. Hä loch un vorzalld net, watt hä em Kresch vorbroche hod. Samuel Lerer un Estera Raab, di öt Lajer va Sobibór övverläävd hodde, erkannde häm ävver, su dat Bauer 1949 wärm en dr Knast lande.

Bauer wood am 8. Mai 1950 zm Duud vorurdeeld, watt ävver en d Bundesrepublik Dütschland net mi zolässich woch, su dat us di Stroof önö lävenslang wood. Em Joohr 1980 storv Bauer em Jevängnis ä Berlin.