Dat zweide Lääve van dr Mathias Pascal

Uß de Wikipedia
Zur Navigation springen Zur Suche springen
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Feu Mathias Pascal, op Huchdütsch Das zweite Leben des Mathias Pascal, watt op Ripuaresch Dat zweide Lääve van dr Mathias Pascal heechd, es önö Stommfilm us öt Joohr 1926, dä ä Frankreich jedriihnt woode es. Di Rolle spellte Ivan Mosjoukino, Marcelle Prador, Lois Maran un Marthé Belor. D Regie hod Marcel Herbier.


Woröm öt en dä Film jäng[Ändere · der Quälltäx ändere]

Mathias Pascal koom us ö risch Huuß. Dodörch dat sing Äldere ävver betuppd woode wore, had hä all öt Jeld vorloore. Ön kotte Zitt nodäm singe Papp jestorve es, hiirod hä Romilde, ö nett Mäddche, dat ävver önö Bessem als Mamm had, di Mathias dr Vräck a deed. Watt sisch bald zeechd, es dat sing Vrau jenausu weed, wi hör Mamm es. Als Mathias sälvs Papp weed, sitt hä Lett am Äng vam Tunnel. Ävver beede Vraue mache Mathias bald kapott. Als sing Mamm schwoch krank weed un sing Doohter noch öns see well, kütt ön joo Vröndin van Mathias Mamm en öt Huuß, öm Bescheed z saare, dat sö noch ens jäähr dä Bettsecker see wööd. Öt kütt zm Krach, va däm Mathias ävver nüüß vorzalld weed. Als hä dova erveehrd, es öt z spii. Sing Mamm es at jestorve, ohne öt Enkelkengk, dat sälvs an ön schwoch Krankheed stirvd, noch ens jeseeh z ha. Mathias häld öt döheem net mi us un haud aav.

Mathias reist no Monte Carlo, wo hä beij öt Jlöcksspell önö Hoov Jeld jewennd. Op dr Wääch heem läßd hä en ön Ziidung, dat mo ön Lich vonge had, di mo vöör häm held. Opjebraad well hä dat opkläre, ävver häm kütt dä Jedanke, dat öt jott se kütt, duud z se. Hä beschlössd, no Rom z vaahre un do sing Vreiheed z jenesse.

Onge di Rische jevälld öt häm ävver net un als hä ön jong Vrau sitt, läufd hä hör no un had sujar Flupp. Hörö Papp vormiit Zemmere, su dat hä sisch ee dova nämme kann. Di zwei werpe sisch at am ischde Daach Öjelcher zo. Bald erveehrd hä, dat dat Mädche ävver önö angere vorsproche woode es, önö Vorlobte had. Dat es ävver önö fiiße Käll, däm dat Mädche net liihe kann.

No ön Zitt nämmt Mathias an ön Jeistersetzung deel, beij dör häm us si Zemmer öt Jeld jeklaud weed. Dorophän had hä d Naaß voll un vährd wärm zöröck en sing ald Heemöt. Do erläävd hä ävver jätt, dat häm d Hoore z Berch stoh lätt: Sing Vrau Romilde had ö zweide Mol jehiirod. Z iisch hod hä vöör, beij hör z bliive, ävver als hä vassstelle moss, dat sö ö Kengk van dr zweide Mann had, entscheed hä sich angisch un well wärm zöröck no Rom vahre. Önö kotte Besöck op dr Kerchhoff, öm sich sii eeje Jrav z bekikke, moss ävver noch se. Usserdäm hold hä sisch va enne, dä sing Famelisch Jeld jeklaud hod, dat wärm zöröck.

Öt leizde Beld van dr Film zeechd Mathias un sing Vrau em Brutskleed.

Alljemeenes[Ändere · der Quälltäx ändere]

Dä Film jold lang Joohre als vorscholle, bes vöör ö paar Joohr ön Nitrokopie optauchde.

Jätt z lääse[Ändere · der Quälltäx ändere]