D Simpsons

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Öt Logo D Simpsons

D Simpsons es ön Zeechetrickserisch, di en d USA entstange es. Öt es d am längßde loufende jözeechnede Serisch, di en dat Land läufd. D Simpsons hand önö Hoof Priise kräje.

Wi öt avong[Ändere · der Quälltäx ändere]

Matt Groening

Matt Groening hod em Joohr 1985 di Idee un zeechnede ä mä 15 Minütte di Persune, di beij d Simpsons dö jrüützde Roll spelle. Zo di Zitt sollte di Fijure ävver net en ön eeje Serisch spelle, sö sollte en Life in Hell opträäne. Häm schingde ön eeje Serisch ävver besser, als sö en ön anger äzöbouwe. Su schoff hä dö Simpsons. Öt ischde Mol leefe di Fijürcher am 19. April 1987 övver dr Beldscherm. Watt en dat Joohr mä önö enkele Film woch, wood 1989 zo ön Zeechetrickserisch, di dr US-Kanal Fox ussstrahlde. 1991 koom sö en öt ZDF, un 1994 övvernomm Pro 7 dö Ussstrahlung.

Watt beij d Simpsons aavjeed[Ändere · der Quälltäx ändere]

D Simpsons lääve en ön Stadt, di dr Naam Springfield had, önö Naam, dä en d USA döck vörkütt, watt dorop häwiise söll, dat dat, watt beij d Simpsons paßeerd, övverall passeere kann. Dat Springfield van d Simpsons jitt öt ävver nerjens.

Watt d Simpsons beij öt Volk do solle[Ändere · der Quälltäx ändere]

D Serisch had di Opjaav, öt Volk, bösongisch dat en d USA, op di Vähler, di öt Süstem had, hä z wise. All dat Jäcke, dat mo en d USA vängd, nämme di Zeechetricklüüh op öt Koor. Kee Thema weed usjölosse.

Wä beij d Simpsons metspelld[Ändere · der Quälltäx ändere]

Homer Simpson[Ändere · der Quälltäx ändere]

Homer Simpson es dr övvischde en d Famelisch. Hä, dr Mann va Marge, es dr Papp va drei Kenger: Bart, Lisa un Maggie. Homer es tösche 36 un 42 Joohr ald. Dat Alder ongerscheed sisch tösche d enkele Folje. Watt jlisch bliid, es, dat Homer en ö Kärkraftwerk werkd un do vöör d Secherheet zoständich es. Dat hä va si Werk nüüß vorstehd, spelld vöör häm kenn Roll.

Homer well jätt va si Lääve ha, drengkd sisch ovends at öns jäähr ee övv zwei Biir un sing schlääte Senn lädd hä och at öns a angere us.

Homer es öt Jäjedeel van önö Held.

Marge Simpson[Ändere · der Quälltäx ändere]

Marge Simpson es öt jooh Stöck van d Famelisch. Sö sorchd dovöör, dat öt Huuß ä Ordnung kütt, dat dö Kenger ertrocke wäde, un vöör jooh Senn sorchd sö och. Marge ongerscheed sisch van di anger Fijure dörch höör blau Hoore, di huch opjöstoche send.

Bart Simpson[Ändere · der Quälltäx ändere]

Bart Simpson es dor zeehnjörje Jong va Homer un heechd ejentlich Bartholomäus. Hä jeed no d Jrondschüll. Do had hö Schwirichkeete, op z paaße.

Dr Naam Bart steehd vöör öt änglische brat, watt op Ripuaresch met Balsch övversatze weed.

Lisa Simpson[Ändere · der Quälltäx ändere]

Dat Mädsche Lisa Simpson es 8 Joohr ald un es öt meddelste van di drei Kenger. Öt es ö hell Köppche un had önö IQ va 159. Doher had sö och koom Vreunde, watt dovör sorchd, dat sö öff alleen es un sisch net jott völd. Lisa spelld Musik un essd kee Vleesch.

Maggie Simpson[Ändere · der Quälltäx ändere]

Öt jöngßde van di drei Kenger, Maggie Simpson, es jraad öns ee Joohr ald. Lisa drätt önö blaue Strampelanzoch un had döck önö Schnuller en d Mull. Sö schaffd öt, sisch met d Häng met Lisa z vorzälle. Spräche kann Maggie mä ee Wood. Ä enn Folje sätt sö „Daddy“.

Watt d Serisch usszechnet[Ändere · der Quälltäx ändere]

D Simpsons zeechne sisch dodörch us, dat sö ni dat mache, watt mo erwaad. Dodörch kütt öt zo ön Jäckereie, di sisch dörch all di Filme träcke.

Duff-Biir

D jääl Värv van d Fijure välld direkt en öt Oohr, ävver och di viir Vengere send jätt, dat beij jedde van di Fijure opvälld. Dat di Fijure jääl wode wore, söll dora liije, dat Matt Groening, als hä met öt Zeechne aavong, mä jääl Stefte jöhad ha söll. Zo di viir Vengere soll öt komme se, weil mo viir besser als vönf mole kann.

Sälvs öt Biir, dat Homer jäähr drenkd, Duff-Bier, wood ervonge. Da töt dat hüü z koofe jitt, litt dora, dat öt dörch di Serisch bökannd woode es.

Simpsons – Dr Film[Ändere · der Quälltäx ändere]

Onger dr Naaam Simpsons – Dr Film entstäng em Joohr 2007 önö 83 minütije eeje Film, dä öt ischde Mol am 26. Juni 2007 em Kino z see woch.

Jätt z lääse[Ändere · der Quälltäx ändere]