Aotearoa
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Aotearoa es dr Naam van Neuseeland en d Sproch va d Maori op Neuseeland. Öt es ävver kenne offizielle Naam dovöör.
Watt bödüüt dat Wood?[Ändere · der Quälltäx ändere]
Jätt jenaues weeß moch net. Ävver öt jitt a paar Theorie, dönen moch no jo kann. Donoo steht dat Wood vöör „Dat Land van d wisse Wolkö“.
No ön Lejend soll dr Naam su entstange see: Ä Mädsche, d Dooter van dr Entdäkker Kupe söll an dr Horizont jätt Wisses jesee ha. Sei reef: „He ao! He ao!“ Dat bödüüt „Ön Wolk!“ Dörch dat watt se jesee hott, wood d Insel van öt Great-Barier entdäkkt. Bes hüü heescht di en d Sproch van d Maori „Aotea“, watt „Wisse Wolk“ heecht. Als d Maori speer noch ö jrüüßer Stöck Land vong, do nannte s dat „Aotea Roa“.
Ön anger Theorie kütt van d Wolkö, di övver d Bersch op d Nord- un Südinsel va Neuseeland z see send. Di sitt moch döck iidr als dat Land selvs. Dr Naam kööm van d Wolkö.
D dreide Theorie kütt van dr Schnei op d hoch Bersch. D Äwanderer van Polynesie, di jo vöör d Europäer do woore, kannte kenne Schnei un moch ka annemme, dat Schnei vöör dr Naam vorantwortlich es.
Weer ön anger Theorie sätt, dat dat Wood „Land met d lang und hell Daach“ bedüüt. Ön lang Dämmerung kannte d Polynesier jo nett, do sei nooh an dr Äquator wonnde.
En d leitzte 25 Joohr weed d Naam immer dökker jebruut. Su nennen sisch d Jröhne of Neuseeland „Green Party of Aotearoa New Zealand”.
För aanzehüüre[Ändere · der Quälltäx ändere]
Esu klengk Aotearoa ? / (i) — wä dat nit hüre kann, hee es de Luutschreff: [ˌaotearoa] (IPA)
