Wilhelm Schäfer (Kölle)

Hee di Sigg_is_op Kölsch
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)

Wilhelm Schäfer (* 22. Dezämber 1936 en Kölle; † 11. Juni 2006 doselbs) wor enne Kölsche Buur us Widdersdörp un hät övver fünnefundrissich Johr de Jeißböck vum FC jrußjetrocke un op se opjepass.

Schäfers Willi hät met sing Frouw Hildejard ene Buurehoff en Widdersdörp em Weste von Kölle onderhaale un hät do sick Hennes III. all die Jeißböck vum FC ongejebraat. Wie er gestorve ess, woor et ald Hennes VII., der op sing Hoff gelääf hat.

En all der Johr hät hä der Jeißbock zo alle Heimspille vum FC in Müngersdörp jefahre un em Stadion aam Bändche erömjeführt. Nur 2001 hädder dat für sechs Wooche nit jedurf, weje dä Muul- un Klaueseusche, die zo dä Zick en Deutschland omjingk.

Trotzdämm dat hä et nit esu wirklisch wullt, ess hä vill in de Ziedunge un och en de Flimmerkess jewesse, zom Beispill wor hä beim Raabse Stääf un beim Schmitze Harry, wu hä dä Bock de Lück jezeech hät.

En de letzte Johr hät hä dä Bock mieh deswäje bei sich jehatt, weil hä dat Dier leev jehat hät, un nit so weil hä su ne jruße Fän vum FC wor. Hä hät jesaat dat de Spieler nit mieh noh de Bock jeluurt hann un dat dä Verein och e bessje jät kniepish wor beim bezahle vür et Foder vun däm Dier.

Gestorve ess hä wie hä nüngunsechzich Johr ahl wor, weil sing Hätz et nimmer wollt.

Sprüchelche

• Er läuft perfekt an der Leine, hat gute Zähne und kann mit dem Ball umgehen." – Schäfer övver de Kwalitäte vun singe Bock
• "Also früher haben sich die Spieler mehr um den Bock gekümmert. Die sind auch mal stehen geblieben und haben ihn gestreichelt, heute machen die das nicht mehr."
• "Sepp Maier" – Schäfer övver dem Jeißbock singe leevste Spieler, dä hät em nämlich immer jään jekrault.
• "Willi war ein guter Typ, er war ein Stück FC, ein Stück Köln." – Lukas Podolski övver Schäfer

Websigge

• 1. FC Köln: „Wilhelm Schäfer gestorben“ (op deutsch)