Richard M. Nixon

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Richard Nixon met sing Vrau

Richard Milhous Nixon (* 9. Januar 1913 ä Yorba Linda, Kalifornie; † 22. Aprel 1994 in New York) woch önö Politiker us d USA. Hä jehood d Republikaner a un woch dr 37. Präsident däm öt Land hod. Völl Lüüh weed Nixon dörch dr Wotergeit-Skandal em Jedächtnes bliive.

Si Lääve[Ändere · Quelltext bearbeiten]

Richard woch öt Kengk va Francis Anthony ("Frank") und Hannah Milhous Nixon. D Mann stammde us Dütschland. Hä wood sträng no d Rejele van d Kwäkr ertrocke. Dat heecht: Keine Schabau, och kee Biirche, kee Spelle, kee Danze un och kee Schubbe.

Richard hod noch 4 Brööch (Harold, Arthur, Donald un Edward), va dönö Harold em Aldr va 4 Joohr jestorve woch.

Nixon studdirde Räät. Singe Droom, ön Stell beij en van d beitste Kanzleie ä New York z kriie, fluppde net. Hä werkde mä en ö kleng Büro ä Kalifornie, dat önö Vreund jehood. Dobeij liirde hä sing spiidere Vrau Pat kenne. S hiirode am 21. Juni 1940.

Em Zweide Weltkresch woch hä beij d Marine. Do liirde hä och singe spiidere Ussemenestr William P.Rogers känne.

En d Politik[Ändere · Quelltext bearbeiten]

1946 wood Nixon vöör d Republikaner en dr Knojress jewäählt, 1951 sujar Senator va Kalifornie. 8 Joohr lang woch hä onger Dwight D. Eisenhower Vize-Präsident. En di Zitt mood hä zweimoll vöör singe Chef äsprenge. Do loch em Spital un kutt selvs nüüß mache.

Als Nixon 1960 vorsood, jäje [[John F. Kennedy] a z trääne, vorloch hä d Waahl. Önö zweide Schlach en öt Jeneck kräät hä als 1962 och d Kalifornier häm net mi als Juverneur ha woohle.

Ävver hä woch net kapott z kriije un wood beij d Waahle 1968 zm 37. Präsidente van d USA.

= Sing Zitt als Präsident[Ändere · Quelltext bearbeiten]

En sing Amtszitt veel dr Vietnam-Kresch. Hä vorsoot d Soldate us öt Land aav z träcke, ohne dobeij dr Kopp z vorleere. 1973 woch öt ösu witt ävver jedder woss, dat d Amis d Naas voll hodde un mä noch us Vietnam öruss woohle.

Winnich Ärfolch hod Richard och en d Weetschaf un völl Lüüh jloote dat Nixon kenn Aahnung dova hot.

En d Ussepolitik driindesisch völl öm dr Kalde Kresch. Dat hosch vöör häm, dr SALT-Vortrach solld ä drüü Dösch. Öm dat z erreiche besood hä d Russe un d Chinese. Dr Bräschinjew un dr mao liirde häm kenne. Am 26. Mai ongerzeechnede hä dr SALT I-Vordrach.

1972 wood Nixon ö noch ens en öt Ampt bestäticht. En di Zitt veel ävver dr Watergeit-Skandal, dä Nixon öt Jeneck broch. Hä dankde aav un singe Vize Gerald Ford övvernomm.

Wäje Watergeit wood hä ajeklaacht ävver Ford böjnadichde häm kott no singe Amtsaatrett. Dat Vorhalde ka Ford ön zweide Präsidentschaf jekoost ha.

Nixon wood schwoch krank un schreev si Lääve zsamme. Dat Boch braad häm noch önö Hoov Jeld.

Am 22. April 1994 storv Richard Nixon.

Websiije[Ändere · Quelltext bearbeiten]