Gerald Ford

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Gerald Ford

Gerald Rudolph Ford, Jr. (* 14. Juli 1913 ä Omaha, Nebraska; † 26. Dezember 2006 ä Rancho Mirage, Kalifornie, woch tösche 1974 un 1977 dr 38. Präsident van d USA.

Sii Lääve[Ändere · Quelltext bearbeiten]

Geralds Papp hosch Leslie Lynch King, Jr. Als sing Äldere sisch scheede leete un sing Mamm neu hiirode, kräät hä dr Naam va singe neue Papp, dä Gerald Rudolff Ford hosch.

Hä studiirde Räät an d Uni va Jeil. 1936 werkde hä en dr Jellowstoonpark als Oppaaßer. Em Zweide Weltkresch woch hä beij d Marine.

24 Joohr lang, dat heecht va 1949 bes [1973 woch Ford ö Metjledd van öt Repräsentantehuuß. No d Ärmordung va Kennedy vorsoot hä en ön Jrupp öruss z kriie, wat do passeerd woch. Als dr Vize va Richard Nixon, Spiro Agnew zöröck troon, wood hä dr neue zweide Mann. No dr Wotergeit-Skandal un dr Röcktrett va Nixon övvernomm hä dat Amt un woch tösche 1974 un 197 dr 38. Präsident.

En sing Amtszitt jäng öt d Weetschaf net jott. D Inflatiun maade d Amis zu schaffe, denn öt Jeld jäng en öt Ussland. Ford driinde an d Stüürschruff öm öt Schlemmste z vorhindere.

En d Ussepolitik hot hä völl Probleme. Dat vong met Kambodscha a, wo sing Marinesoldate schwoch Väählere maade. Besser leev öt beij dr Vordrach va Helsinki, di belaad, dat d Mänscheraate va d Russe a erkannd wääde.

Zweimoll wood vorsood, Ford z ermorde. Beede Anschläch fluppde net.

Dodörch dat hä Richard Nixon bejnadichde maade hä sisch beij völl Amerikaner ösu unbeliebd, dat hä kenn zweide Amtszitt zojesproche kräät. Singe Nachfoljer wood Jimmy Carter.

Gerald R. Ford storv am 26. Dezember 2006 ä si Huuß ä Kalifornie em Alder va 93 Joohr.

Weblinks[Ändere · Quelltext bearbeiten]