Belgien

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Vahn va Beljie

Belgien, op Ripuaresch weed va Beljie jesproche, es önö Staat ä Westeuropa. Hä litt tösche d Nordsee em Weste, Holland em Norde suwi Dütschland em Oste. Luxemburch un Frankreich stüsse em Südoste un Süde dozo. Dat Land es mä 30 528 km² jruß. 11 Milliun Lüüh lääve do.

Jätt va vreuer[Ändere · Quelltext bearbeiten]

Em Joohr 1830 wood Beljie önö onaavhängije Staat, ö Könnigrich met ö Parlament. Mo sprechd van ön parlamentarische Monarchie. Zwei Volksjruppe deehle sich dat Land. Em Norde lääve d Vlaame, di Holländisch spräche, wojäje em Süde d Walone Französisch spräche. Em Oste va Beljie wäde dütsche Mondarte jesproche. Beede Jruppe vorstönd sich net jott, komme schwoch metnee us, su da töt döck Probleme tösche Vlaame un Wallone joov. Öm önö jangbaare Wäch z vänge, wood öt Land en önö Bundesstaat us Regiune un Jemeenschaffte ömjewandelt. Su entstänge französisch-, dütsch- un holländisch sprächende Jemeenschaffte. Brüssel es d Hauptstadt va Beljie.

D Sprochjrenze ä Beljie (blau=Dütsch, Ruuh=Französisch, jrönlich=Holländisch)

Beljie es enne va di Staate, di d EU met en öt Lääve jeroffe hand. Seijd di Zitt es Brüssel och dr Setz van d wechtichste EU-Institutiune.

Beljie, Holland un Luxemburg belde d Benelux-Staate.

Övver öt Land[Ändere · Quelltext bearbeiten]

Önö jruuße Deel va Beljie es platt Land, dat meeßd van d Buure jenotzd weed. D Ardenne send öt enzije Jebirje, da töt Land had, wobeij an d hükßde Stell 694 m erreichd wäde.

St. Hubert en d Ardenne

Dörch Beljie laufe ö paar Flöss. Dozo zälle dr Albertkanal, d Amel, d Gileppe, d Inde, d Maas un d Rur. Könstliche Wasserstroße send dr Kanal Brügge-Ostende, dr Kanal Charleroi-Brüssel, dr Kanal Gent-Brügge suwi dr Kanal Nimy-Blaton-Péronnes

De Weetschaff[Ändere · Quelltext bearbeiten]

D Beljer vordeene hön Jeld zo 1 % dörch d Landweetschaff, z 27 % dörch d Industri un zo 72 % dörch öt Erbrenge va Deenstleistunge. Touriste spelle ön jruuße Roll vöör d Beljer. D Nööhde zo Dütschland, Frankreich, Holland ävver och Ängland brengd völl Mensche op dä Jedanke an d Köste va Beljie z vahre. Tuure no Brüssel, Brügge, Gent und Antwerpe locke beij schünn Währ.

Jätt z lääse[Ändere · Quelltext bearbeiten]