Antoninian vum Domitianus II.

Die Sigg hee es op Kölsch
(mieh kölsche Sigge)
un geschrevve en de Schrievwies vun de Kölsch-Akademie
(mieh Sigge en de Schrievwies vun de Kölsch-Akademie)

Antoninian vum Domitianus II. us Chalgrove (Ängland), hügg em Ashmolean Museum en Oxford

De Antoniniane vum Domitianus II. sin ärg selde Antoniniane vum Domitianus II., dä em johr 271 vör e zemlich koote Zigg Gägekaiser em Imperium Galliarum wor. De eetste vun de Münze woot em Johr 1900 en Wessfrankreich en enem vergravene Püngel Münze gefunge. Dat Stöck woot eets als ech aangesinn, ävver 1942 hädd ene Numismatiker gesaat dat et ene Falschmünz es. Mieh als hundert Johr noh däm eetse Stöck, em Johr 2003, han se en Chalgrove bei Oxford (dat es in Ängland) noch eine vun denne Münze in de Ääd gefunge, en enem vergraave Pott met andere Münze us de Johre 270 bes 275. Dat wor de Bewies, dat beide Münze ech sin. Un em johr 2006 hätt dat bulgarische Nationalmuseum vör Geschichte ene dritte Münz gekauf, met enem ganz andere Beld op de Rücksigg.

Nit nur dat zwei Münze, vun denne et ensgesamp nur drei Stöck git, zemlich selde sin: de Münze sin de wichtigste Bewies, dat et ene Gägekaiser Domitianus üvverhaup gegovve hädd. Nur drei futze Stöckche Blech!