Wikipedia:Saachjroppe en Schabloone

Uß de Wikipedia

En Schabloone kam_mer Saachjroppe endraare. Wam_mer nix besöndersch domet määt, dann sorresch datt doför, dat jede Sick, en dä esu en Schabloon benoz weed, sesch övver di Schabloon en di Saachjroppe endräht, di en dä Schablonn jenannt senn. Die Schabloon sellver deiht dat nattölesch och, esu dat di met dä Sigge zosamme en dä sellve Saachjroppe opdouch.

Wat, wam_mer ävver di Schabloon sellver nit en di Jropp han well, odder en Saachjrupp met nur Schabloone, ävver söns kein Sigge dren han well? Ensjesamp kam_mer doh 4 Fäll ongerscheide.

Schablon un Sigge zosamme en en Saachjropp krijje[der Quälltäx ändere]

Wi bovve jesaat. Mer schrief en dä Schabloon de Saachjrupp janz nommaal hen, dann hät mer di Saachjropp un alle Sigge, woh die Schabloon jebruch weed, en dä Saachjropp dren.

[[Saachjropp:Name]]
[[Saachjropp:Name|Dohenn zoteere]]

Nur di Schablon un kein Sigge en en Saachjropp krijje[der Quälltäx ändere]

Wam_mer de Schabloon en en Saachjropp han well, de Sigge, woh di Saachjropp jebruch weet ävver nit, do moß mer dämm Wikki saare, dat beim Ennfööje, dat Shtöck met dä Saachjroppe nit metkumme sull.

<noinclude>
 [[Saachjropp:Name]]
 [[Saachjropp:Name|Noh hee zoteere!]]
</noinclude>

En Schablon nit, nur Sigge en en Saachjropp krijje[der Quälltäx ändere]

Wam_mer de Schabloon sellver nit en Saachjropp han well, ävver de Sigge, woh di Saachjropp jebruch, do moß mer dämm Wikki saare, dat dat Shtöck met dä Saachjroppe nur beim Ennfööje en Roll shpelle sull.

<includeonly>
 [[Saachjropp:Name]]
 [[Saachjropp:Name|Hee henn zoteere!]]
</includeonly>

Weder Schablon, noch Sigge en en Saachjropp krijje[der Quälltäx ändere]

Et es et einfachs, wam_mer jaa kei Saachjroppe bemöht. Dann weed och nix en dänne enjedraare.