Rhingland
Et Rhingland eßß:
- dä Deijl vumm Rhing wu ma en Ripoarisch Sprooch schwaadt. Et jeijht vunn unjefähr Andernach beßß eruff noh Düsseldorf, unn inn_et Vüürjebersch beßß Oche, unn op dä schääl Sigg beßß Bergisch Gladbach, un em södlijje Bërjėsche fun knapp Jummersbach beß henger Waldbröl aan de Sii.
- dä Dëijl vum Rhing woh mer och der Niėderrhing for säät, un och esu schwaadt, dad_es onjeväär vun Heenßbersh beß Düsseldorf un fun doh noh Xannte un beß aan de Maaß erran.
- dat Stöck fum Rhing un drömröm, esu ätwa, woh me de Muuselfrängkesche Shprooche schwaade dëijt. Dat fängk bëijem Opshtėėsh en der Westerwald aan, un henger Aawieler un jëijd em Sööde bez noch Luxemborrsch un Trier un Kovvelenz.
Dä Bejriff eßß äwwer ned kloor deffeneet. Jeedenvalls_eß fill winnijer jemëijndt, wi dat jannze Land, wat laans_em Rhing litt — esu jesinn ess_et enne koomijje Bejreff fö_Jeede, dä_sish do_met nid_esu_jood_ußßkänndt.
Fröher
[Ändere · der Quälltäx ändere]De lenke Sigg vumm Rhing wood als eäztes vunn dä Römer besiddelt. Däswäjje sinn noch hück de mießte Städt im Rhingland up dä Sigg (en Ousnahm eßß Düsseldorf).
Dat Rhingland als zesamme jehüürendet Jebiet eßß eäz dorsch de Proiße jemaat woode. Noh däm Wiener Kongreß hänn se de aale Förstedömer, Jrafschafte unn all dä Drißß in en Rhingprovinz zesamme jedäut. Do hätt noh Bingen, Kleve unn Wetzlar zojehöört, äwwer im Jroße unn Janze eßß dat ad et Rhingland jewässe. Frööjer hät mer dä Bejreff „Rhingland“ esu jaa net jekannt, wi mier dä hügk hann.
Hück
[Ändere · der Quälltäx ändere]Noh däm Zweijte Weldkrisch eßß dat Jebiet jedeild un de nöchtlijje zweij Drettelle med de Wääßfaale in en Land zesamme jesteck woode, un et süüdlijje Drettel met dä Pällzer. Dat hätt dä Rhingländer natürlisch nid_esuh jään jehatt. Et hätt äwwer nit jehulfe.
Fastelovend
[Ändere · der Quälltäx ändere]Mansch Ëine süüd_et Rhingland alß dė Jääjend, woh de Minsche aam Rhing laanß un räähs_on_lingx drömm_erröm der Faasteleer fiere. Dat wööhr dann fum Jränß_Shtriife fun 20 beß 30 Killomeeter en Holland bëij Emmerich, der jannze Rhing erop beß övver der Bodde See eruß, un wigg_en_de Schwëijds_erinn. Ävver dadd_essen Aat Minderhëijte Mëijnong.