Rääjel vum Metcalfe

Uß de Wikipedia
Zur Navigation springen Zur Suche springen
Ein Tellefoon brängk jaa nix. Met zwäj Tellefoone kam_mer ein Verbendung maache, met fönnef Tellefoone kam_mer zehn Verbendunge opnämme, un med_ennem Dozent Tellefoone ald 66 Verbendunge.

Dem Metcalfe sing Rääjel säät jät övver der Noze, dä mer vunenem Netz hät, wie Tellefonn, Fax, un Internet, je nohdämm, wivill do söns noch draan metmaache. Metcalfe es Englisch un mer spresch et wie Mett un Kalv, ävver dä Robert Metcalfe hät nur aam Rand domet zem dooe, Dä George Gilder hät die Rääjel em Johr 1993 et eets opjeschevve, un hä hät dobei jesaat, se köhm vum Metcalfe. Doh jeng et öm Ethernets. Däm Metcalfe sing Rääjel wood et eets opjeschtalld_ömm_et Johr 1980 eröm, ävver nit em Zosammehang met Metmaacher, sönders met kumpatibelle Jerääte för sesch meddenejn ußzetuusche, zem Beishpell Faxjerääte.