Pomp (Maschin)

Uß de Wikipedia

En Pump (Pomp) eß en Maschien, wo mer jät met bewäje kann, wat mer sönß och schödde kann, ävver och Luff. Bänzin, Jertraide un Määhl, Bier un Wing, Stöbb, dat weed all met Pumpe bewääsh. Rin in dä Silo, rus us däm Silo, rin en dä Kahn, en der Waaren, en der Tank oder zom Verjaaser, övverall sin Pompe am Werreke.

Endeilung vun de Pompe[Ändere · der Quälltäx ändere]

Me kann Pompe noh verschiedener Aarte endeele. Et jebräuchlichste ees die Endeilung noh däm Funktionsprinziip.

Verdängunspompe[Ändere · der Quälltäx ändere]

Dat Funktionsprinzip erkläärt an dem Beishpill vun Wasser en_ener Kolevepomp:

En Kolevepump

En Kolevepump besteijt us enem Zylinder, enem Koleve, enem Rückschlachventill, eh bischje Rühr un enem Pompeschwengel. Dä Pompeschwengel is vun bouven an dem Koleve befestich un kan dä en enem Rühr erop un eraf bewäje. Jeijt dä Koleve jetz erope, dann widd en däm Roum unger däm Koleve ene Ungerdruck erzeuch. Dodorch widd Wasser dorch eh Rühr anjesauch. Bewäch sich dä Koleve jetz noh unge, widd dat Rückschlachventill opjedröck un dat Wasser kann en dä Roum över däm Koleve jelange. Ändert dä Koleve jetz widder sing Richtung widd dat Wasser över em wigger huhjedeut, weil dat Rückschlachventill zoh jeijt un dat Wasser nit zeröck loufe kann.

En Verdrängerpomp verdrängk also emmer ene bestimpte Roumeenhalt. Dä ees avhängisch vun dä Baujröße vun dä Pomp. Die Pompeaart ees en de Rejel selevesaansauchend. Andere Verdrängerpompe sin:

Strömungspompe[Ändere · der Quälltäx ändere]

Strömungspompe beschleinije eijentlich nur dat Medium wat se pompe dun. Se sin nit seelevesaansauchend un künnen et ja nit av, wenn se drüch louve. Dann jon se kapott. Beishpille för Strömungspompe sin:

Andere Funktionsprinzipie[Ändere · der Quälltäx ändere]

Ene Sunderfall sen die sujenannte Strohlpompe. Dobei widd dorch zem Beishpill ene Wasserstrohl Jaas metjerisse un somit avjesauch. Et jitt do:

  • Bloosenpomp
  • Wasserstrohlpomp
  • Dampfstrohlpomp
  • Stoßheber (Hydraulischer Widder)

Andere Eendeilungsmöchlichkeite[Ändere · der Quälltäx ändere]

Meh kann die Pompe natürlich och noh däm eendeele, wat se pompe. Su jitt et dann:

  • Luffpompe
  • Wasserpompe
  • Jüllepompe
  • Benzinpompe

Oder meh benennt se noh dä Anwendung wofür se jemaat wudde sin. Wie zem Beishpill:

  • Einspritzpomp
  • Lenzpomp
  • Vakuumpomp

Usserdämm[Ändere · der Quälltäx ändere]

Websigge[Ändere · der Quälltäx ändere]

 Commons: Pumpe – Album mit Bilder, Filemche un Tön op Wikimedia Commons
Mieh Aatikkel övver Weßßeschaaf & Teschnigk fingßte op dä Pooz:Weßßeschaaf & Teschnigk