Perikles

Uß de Wikipedia
En röhmesche Koppih vun enem jrihschesche Kopp vum Perikles

Der Perikles (jeschproche: Peeriklees) hädd en Attikah em ahle Jihscheland jelääf un wohr doh en de su jenannte „jollde Zigg“ eine vun de ennfloßreijschste Schtaatsmänner un Räddner. Hä wohr och ene Jennerahl en Attehn.

Op Ahl Jihschesch han sen dohmohlss der Περικλῆς jenannt.

Sing Motter däht zor Fammillesch vun de Alkmaeonihde jehühre, di dohmohls un och schpähder noch vill Maach un Ennfloß jehatt hatt.

Hädd esu ene deefe Enfloss op de Jesällschavv un der Zosammehalld em Land jehatt, dat dä Thukydides, ene Jeschehschschriiver vun dohmohls, en „der eezte Börrjer vun Attehn“ jenannt hät. Uß dä Dellejahnesche Lihja hät hä et Reijsch vun Attehn jemaht un hä däht sing Lück en de eezte zwei Johr vum Peloponeehsesche Krehsch aanföhre. De Zigg vun öm 461 vör Krestos bes öm 429 vör Krestos weed orret Ziggallder vum Perriklees jenannt, weil hä en dä Zigg suhzesahre der Aanföhrer in Attehn wohr.