Nieuwvliet

Uß de Wikipedia
De Flagg van Nieuwvliet

Nieuwvliet (op't zeelängsch Mongkaat och Sinte Pier jenanngk) es en Dörp en de neddelängsche Jemeende Sluis, Provenz Zeeland. Et Dörp bestonnd uss zwej Deeler, Nieuwvliet-Dörp, wat 2 km em Enland jelääje es, on Nieuwvliet-Bad, wat wedderöm tireck aan d'r Zee liggk. Et befengk sech en de Rejion Zeelängsch-Floandere on zällt onjefäê 450 Enwonne. Öm Nieuwvliet eröm ligge nauch'n paar angere Oêtschaffte, wie Cadzand, Oostbursch of Breskens.

Häêkonnef vam Dörpsnoam[Ändere · der Quälltäx ändere]

Op dütsch (of bess jesaaht op ripoaresch platt) bedögg de Noam Nieuwvliet esu vell wie "Nöü enjepoldert Langk bej enem Zeeärm". De angere Noam Sinte-Pier betrekk sech henschään op de hellige Pitter, däê en Ahl-Nieuwvliet de Patroon van de Kerch woê.

Jeschisch[Ändere · der Quälltäx ändere]

Et Dörp Nieuwvliet liggk onjefäê 2,2 km weggere wässlesch vamm ahle Sinte-Pier, wat 1530 benne een jruße Stormfloot övvespöölt on 1533 wedde opjebout wood. Väêmoodlesch wood 't Dörp dann em Aachzeschjäärije Kreesch ängkjültesch zäêstört. Et nöüe Nieuwvliet wood 1602 opjebout on eenjedeejsch.

En d'r fröhe Nöuzigg woê et Dörp een suj. Heerlijkheid (dat, wat me em Rhingland als Häêschaff kenne deet), die van de Häêrre uss'm Huus Adornis rejeet wood. 1604 koam de nieuwsvlietsche Häêschaff en staatlesch Häng.

Avjesinn van een Wengkmöll joav on jitt't en Nieuwvliet net vell Industrie, sudat dä Oêt hügg höödsäächlesch vam Tourismus leev.

Natuur on Langkschaff[Ändere · der Quälltäx ändere]

Dä verdronkene Schwatze Polder

Tireck bej Nieuwvliet-Bad befengk sech dat Natuurjebiet vam Verdronkene Schwatze Polder.