Va hatte wilkóm op ming pazjena! Ech Ripoarisch kalle en sjrieve (behaove dat van de Limburgse grensplaatsje) kin ich missjien neet, versjtoan doan ich 't waal. Mieëtstes bin ich actief op de Limburgsje Wikipedia en aaf en touw draag ich hei óch bei. Ich hoap dat dier mich óch kin volge; dit is nemlig óp 't Heëlesj gesjrieëve. 't Plat han ich mich zelf aagelierd wie ich nuëgetieën woar. Ming ouwesj kóste 't waal e bietsjke, de ieësjte sjproak woar evvel 't Pruus of 't Hollendsj. Ich han ummer aa g'n grens gewoeënd en bin zoeë in aaraking gekoame mit bei kultoere en sjproake. Noe sjtudeer ich germanistiek aa g'n Radboud Universiteet i Nimwege. 't Sjtudere geet mich gans good aaf. Ich bin zelfs igelane um mit te doa aan e sjpeciaal program van de Radboud Honours Academy. Ónger begeleijing van ervare wetesjappesj maag ich óngerzeuk doa noa 'n óngerwerp noa keus.
Dat is vuur mich 't plat geweëde, en waal 't plat oet g'n umgeëving va Jlabbach. 't Dialek dat doa oerjsprunkelig gekald weëd, weëd officieel geclassificeerd es südniederfränkisch (Limburgsj dus), wiewaal d'r ivlood van 't Hoeëgdütsj en 't Ripoarisch, en dan nog in 't beizunger 't Kölsj, hiel groeët is. V'r kinne evvel óch de Kölsje expansie es begrip. Óch Hollendsj-Limburgse dialekte woeëde heidurch beïnvleujd, in 't beizunger 't Heëlesj beivuurbild. Jlabbach ligk evvel bes noardelig. Oppe zelfde huëgde ligk Remung, mar zing dialek is "minder" Ripoarisch es dat va Jlabbach en umgeëving. De tendens is dat Pruse variant van 't Limburgsj ummer mieë Ripoarischer of Dütsjer van eëd weëd. Noe is 't woar dat talige drök gaar gee óngeweun versjinsel is, mar i Pruses liek dit proces vöal flótter te verlope es i Nederland. Dat hat missjien 'n anger oerzaak of zelfs mieëder. Doaneëve is 't besjrieve van dit dialek 'ne angere wichtige tswek. 't Plat va Hollendsj Limburg is nemlig vöal beëter vasgelag es 't plat i Pruses.
