Komkommereschlot
Die Sigg hee es op Kölsch
(mieh kölsche Sigge)
un geschrevve en de Schrievwies vun de Kölsch-Akademie
(mieh Sigge en de Schrievwies vun de Kölsch-Akademie)
(mieh kölsche Sigge)
un geschrevve en de Schrievwies vun de Kölsch-Akademie
(mieh Sigge en de Schrievwies vun de Kölsch-Akademie)
Komkommereschlot oder Gurkeschlot es ene Schlot us Komkommere un e wichtisch Esse en de kalte Köch.
Komkommereschlot gitt et in ville Gägende in denne hä op ungerscheedliche Aate gemaht weed. Em Rheinland dät mer de Gurke miestens schelle un en dönn Schievche schnigge, woanders blieven se ungeschällt.
Usser dä Komkommere deit mer miestens Öllich, Salz, wieße Peffer, fresche Krügg wie Dill, Estragon oder Schneddlauch, Zucker un Essich, Öl oder suur Rohm dobei.
En de Gastronomie gitt et ville Zoote vun Komkommereschlot. He sin e paa Beispill:
- Amerikanische Gurkeschlot – geschallte un usgekäänte Komkommere wääde en Striefe geschnedde, op Blädder vum Koppschlot gedon un met Sauce Tartare (en Zoot vun Majonnäs) üvvergoße;
- Dänische Gurkeschlot – geschallte oder ungeschallte Komkommere wääde met enem Gurkehubbel en dönne Schieve geschnedde, gesalze, en enem Siev avgebraust un met Dill, Pitterzillie un ene söötsuur Zauß aangemaaht;
- Deutsche Gurkeschlot – geschallte Komkommere wääde en dönne Schieve geschnedde un met Dill, Pitterzillie un ene Zauß oder gewöözte Rohm aangemaaht;
- Änglische Gurkeschlot – en Schieve geschnedde Komkommere un Striefe vun Zellereistange wääde met Rohm un Zitron aangemaaht;
- Polnische Gurkeschlot – en decke Schieve geschnedde Komkommere wääde en Salz marineet, donoh blancheet un in ene Marinad us Essich, Zucker, Dill, Peffer un Nelk engelaht;
- Mizeria (ene andere polnische Gurkeschlot) – fein gerivvene, manchmol och in Schieve geschneddene oder gehackte Komkommere wääde met Salz, Peffer, Zucker un Muskat gewöözt un met soore Rohm (kwaśna śmietana) oder Joghurt oder Kefir serveet;
- Russische Gurkeschlot – geschallte Komkommere wääde in dönne Schieve geschnedde un mit ene Zauß us Klatschkis, soore Rohm oder Milch, Knoblauch un Dill gebunge;
- Gurkeschlot a la creme – geschallte Komkommere wääde in dönne Schieve geschnedde un met soore Rohm, gehackte Öllich un Essich aangemaaht;
- Wärm Gurkeschlot – en Schieve geschneddene Komkommere wääde blancheet un met gebrodenem Speck in ene Zauß serviert.
|
Mieh Aatikkel üvver Esse & Drinke fingste op dä Pooz:Esse & Drinke |