ISO 3166

Uß de Wikipedia

De ISO 3166 ess_en ingernazjonaale Norrem.

Se eß vun dä ISO opjeshtallt woode, weed och offizzjäll vun dä ISO fowalldt.

Do dren wääde Äffköözunge för Shtaate faßjelaat, jenowjenumme:

ISO 3166-1 — Shtaate un en paa affhängijje_Jebeede
ISO 3166-2 — Jääjende un Jebeede innverhallef vun Shtaate
ISO 3166-3 — Shtaate, di_et jez nim_mih jitt (zick 1974 ennjeföet)

ISO 3166-1[Ändere · Quelltext bearbeiten]

Di Affköözunge sinn emmer zwäij Boochshtave lang odder dräij. Jeede Shtaat hätt zwäij Affköözunge, äijn vun jeede Zoot. Di häijße dä ALPHA-2 Kood un dä ALPHA-3 Kood. Do_bëij kütt noch, och fö_jeede Shtaad,_en_Nummer.

De ALPHA-2 Kooz weede nommal met Jruußboochshtave jeschrivve, moß ävver nit unbedingk. För_n Bäishpill en Domäijnß em Ingernet sinn se kläjn.

De ALPHA-3 Kooz weede nommal met kläijne Boochshtave jeschrivve, moß ävver och nit unbedingk.

Jebruch wääde di Kooz an ville shtälle, janz öff or_als_enne Däijl en anndere Kodes. Doför luur orr_enß bäij IBAN, ISO 639, ISO 4217, ISO 7372, ISO 9375, ISO/IEC 7501-1, de UNO iir LOCODE un dä WIPO iir ST.3 Shtanndad, RFC 3066 sin Country identification un Region identification allso Kooz för Shtaat un Jääjendt, RFC 1591, un etlijje mieh.

ISO 3166-2[Ändere · Quelltext bearbeiten]

Dat ess_e stöck Ourewesheräij. Zoshtänndish för et Norrmėėere vun dä Umgerdäijlunge sinn näämlish de Shtaate sellver, di důnn dermiehts iir Kantoone, Provinze, Bundeslänndere unn_esu_jätt nämme — un dänne iir Affköözunge weede dann medd_ennem Shtrish ('-' odder '_') dozweshe, hinge aan dä ISO 3166-1 Kood eraan_jepapp.

Deutschland[Ändere · Quelltext bearbeiten]

De Deutsche hann natüülijj op en welltwäijdt jülltijje Norrem noch eijne dropjesatz un hann sish de DIN EN ISO 3166 shtattdäßße jejovve. Dat ess_en deutsche Övversäzzungk, woo_fillish drißßish Staate vun zwäij_hunndot e_kläij_beßßje anndoß jeschrivve sinn wi em Orrijinaal.

Websigge[Ändere · Quelltext bearbeiten]