Hochdeutsche Naame (un ier kölsche Översäzzung)

Uß de Wikipedia
Zur Navigation springen Zur Suche springen

He sinn dütsche Fürname opjelißß, un wi mer_en Kölle do_för säät.

En Kölle wääde Nome öff met enem Artikel jenannt, wat mer op Huhdütsch nit deit. "Dä Bäätes hätt jesat ..." = wörtlich: "Der (Hu)Bert hat gesagt...") = hochdeutsch: "(Hu)Bert hat gesagt ..."

Dobei wääde Fraulöck sächlich benannt. "Dat Nieß ..." ; "Et Billa ..." = wörtlich: "Das Agnes ..." ; "Das Sibylla ..."

Mädschernome[Ändere · der Quälltäx ändere]

  • Ägidia = Jilla
  • Agnes = Nieß, Angeniiß, Nüüßje
  • Andrea = Dresie
  • Anna, Änne, Anja = Änn, Änni, Ännsche
  • Anna Maria = Annemie
  • Barbara = Bärbel, Bärbelsche, Bärb
  • Cäcilie = Zill, Zilla, Zilli
  • Cornelia = Nelli
  • Christine = Stina, Schtina
  • Elisabeth = Liß, Liss, Lissbätt [Franzüüsesch usjesproche: Sett, Settchen (Kind)]
  • Gertrud = Traudt, Traudtsche, Drück, Drüggela
  • Grete, Margret = Jriet
  • Josefine, Josephine = Finche (och fröher för de Strossebahn noh Frechen)
  • Katharina = Tring, Kätt, Kättsche
  • Lucia = Luzi
  • Maria = Marie, Mariische
  • Maria Elisabeth = Maließ
  • Maria Sibylla = Maritzebill
  • Sophia = Züff
  • Sibylla, Sibille = Billa, Bill, Zėbill

Süsch och: Mädsche_Name

Junge_Nome[Ändere · der Quälltäx ändere]

  • Adam = Dämes
  • Adolf = Dölfes
  • Ägidius = Jill, Jilles
  • Alfons = Fönßje, Fönes
  • Andreas = Drickes
  • Antonius, Anton = Tünn, Tünnes
  • Bruno = Pünn
  • Christian = Chriss, Kreß
  • Cornelius = Nelles
  • Edmund = Mundes
  • Ferdinand = Ferdi, Fäddi, Fän, Fänand
  • Friedrich, Friederich, Frederic = Frizz, Fritz
  • Georg = Schorsch
  • Gerhard = Jierett
  • Hans = Schäng
  • Heinrich = Hein, Drickes
  • Hermann = Manes
  • Hubert, Norbert, ..-bert = Bäätes, Hubbäät
  • Jakob = Köbes
  • Johannes (op Franzüüsesch: Jean) = Hannß, Hannes, Hännes, Hennes, Hännesje, Schäng, Jann
  • Josef = Jupp
  • Martin = Määtes
  • Matthias (op Franzüüsesch: Mathieu) = Mattes, Deij, Mattschö
  • Nikolaus, Klaus = Nicklas, Klööß. Klöößje
  • Peter = Pitter
  • Theodor = Düüres, Dööres
  • Thomas = Tömmes
  • Wilhelm (ob_änglesh: William) = Wellem, Will, Willi, jannz sellde och Bill, Billi

Süsch och: Junge_Name