Hexejachd va Oche
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Övver d Hexejachd va Oche es winich övverlävverd. Dä Jrond es dorä z söcke, dat dörch dr Jruuße Brand va Oche em Joohr 1656 bo alle Ongerlaare us di Zitt met vorbrannd send. Enkele Date tauche ävver ä Lajere va anger Städt op, su dat mo ö paar Saache met Secherheet saare kann.
Secher es, da töt ön Hexejachd ä Oche jejoove had. Va 6 Vraue es dr Naam un di Art un Wiiß övverlävverd, wi sö jestorve send. Öt wore Catharina Brandt, Catharina von Themen, Eiff von Montzen, Gertrud Eulrichs suwi Maria Kroiseti un Zey Kaußen. Usserdäm wood ö 13 Joohr ald Mädche vorbrannd. Singe Naam es net övverlävverd, ävver ö paar Sache wesse mo övver dat Kengk. Öt woss nüüß övver d Kerch. Dö Mönche dänge, watt sö kutte, ävver öt bleed stur. Öt enzije, watt d Kerch vöör dat Mädche do kutt, woch, öt vreuer als sönß no dr Scheiterhoov z brenge. Onger jruuße Ping un völl Trone wood öt dörch öt Vühr bestroofd. Als öt vöör dr Duud noch d hellije Kommuniun kräät, wore all d Lüüh, di sich dat Spektakel akekke, ärch betroffe. A dä Morje, a däm öt sterve solld, braad önö Mönch häm jätt z eiße. Öt woohl dat ävver net un saad dä Jeeßliche: „Du hass mich doch jesaad, dat Jesus vöör singe Duud och nüüß jesse had un mä Essich un Jall woohl. Ich well öt däm nomache un och nüüß keue.“ Dono hat öt mä noch jekreche. Övver dä Äldere va dat Mädche es bekannd, dat dr Papp un önö 30 jöhrije Broohr 2 Mond vörhen op öt Rad jebonge woode wore un duud send. 4 anger Brööhr woch dat sälve at ä Holland passeerd. D Mamm, di vorsood hod, sich us dr Stöpp z maache, woch erschooße wode.
Öt Jevängnis woch öt Jraßhuuß, wojäje d Vorhandlunge en d Acht em „Haus Brücke“ an d Eck Maad/Pontstroß suwi am Katschhoff/Eck Ritter-Chorus-Stroß stattvonge. Urdeele woode vöör öt Rothuuß op öt „Scheldche“ vorkönd. Zm Sterve woode d Lüüh zm Galgeberch usserhalv van d Stadtmuur jebraad.
Öt es övverlävverd, wat töt Werk van dr Henker kooßd:
- D ischde Folter: 5 Reichsmark
- No ö Düvelsmal kikke: 2 Reichsmark
- Stranguleere: 10 Reichsmark
- Köppe: 15 Reichsmark
- Kopp op Stang stäche: 5 Reichsmark
- Kopp met Beijel aavhouwe: 5 Reichsmark
- Hand aavhouwe: 5 Reichsmark
- Persun verbrenne: 25 Reichsmark
Jätt z lääse
[Ändere · der Quälltäx ändere]- Hexenwahn im Grenzland Aachen, Siemons, Hans Meyer & Meyer Verlag ISBN 978-3-89124-422-7
- Ön Naamensliiß