Hans Spiertz

Die Sigg hee es op Kölsch
(mieh kölsche Sigge)
un geschrevve en de Schrievwies vun de Kölsch-Akademie
(mieh Sigge en de Schrievwies vun de Kölsch-Akademie)

Hans Spiertz (gebore am 11. Janewar 1924 in Kölle; gestorve am 14. Juni 1968 och do)^[1] wor ene deutsche Architek, dä in Kölle geläv un geschaffe hät.

Ene vun singe wechtigste Bauwerk es de Neubau vum Wässfälische Landesmuseum in Münster. Hä hätt 1959 de eeschte Pries en däm Wettbewerb dofür gewonne. Ävver de Baubeginn hatt sich verzögert, weil dä Bauherr zo klamm wor. Eets 1970 woodt de Dauerusstellung en dem neue Huus opgemaat. Do wor dä Spiertz ävver ald duud.^[2]

Hans Spiertz hätt och en Kölle singe Spore hingerlosse. "Em Hanen", dat Huus am Alder Maat 24 met dem Kallendresser aan de Dachkall, hätt he zosamme met däm Hans Schilling för de Kölsche Jupp Engels geplant. Och de Schmitze Süül op däm Brigittengäßchen, direk aan de Hingerpooz vum Em Hanen, es vun im geplant woode.

Woher mer dat wesse

↑ Hans Spiertz. In: Wolfram Hagspiel: Lexikon der Kölner Architekten vom Mittelalter bis zum 20. Jahrhundert. Böhlau Verlag, Köln 2022, ISBN 978-3-412-52447-0, S. 477 (online).
↑ Vorstellung des Modells für den Neubau des LWL-landesmuseums für Kunst- und Kulturgeschichte, Landschaftsverband Westfalen-Lippe, avgerofe am 10. April 2024 (PDF)

[1] Hans Spiertz. In: Wolfram Hagspiel: Lexikon der Kölner Architekten vom Mittelalter bis zum 20. Jahrhundert. Böhlau Verlag, Köln 2022, ISBN 978-3-412-52447-0, S. 477 (online).

[2] Vorstellung des Modells für den Neubau des LWL-landesmuseums für Kunst- und Kulturgeschichte, Landschaftsverband Westfalen-Lippe, avgerofe am 10. April 2024 (PDF)

[1]

[2]